rKTs

e-texts navigator

Volume

Page

134b₁ sdig pa rnams bsrabs par 'gyur ro/ /rtag tu bzlas pas gang 'dod pa'i grong de so sor rnyed pa dang / mig gis gang mthong ba de dbang du 'gyur ro/ /rtsod pa las rgyal ba dang smra ba'i mchog tu 'gyur ro/ /til dang mA Sha'i sbyin sreg gyis shig nor skyed par byed do/ /
134b₂ ba Ta'i myu gu zho dang sbrang rtsi dang mar gyis btags pa stong phrag brgyad sbyin sreg gyis shig /dus ma yin par 'chi bar mi 'gyur ro/ /ras ris kyi spyan sngar klu shing gi me tog stong phrag brgyad kyis mi bdag dbang du 'gyur ro/ /de nas yang shAkya thub pas slar yang thams cad dang ldan
134b₃ pa'i 'khor gyi dkyil 'khor la kun tu gzigs nas byang chub sems dpa' spyan ras gzigs dbang phyug la bka' stsal pa/ sems dpa' chen po khyod kyi rig pa'i sngags kyi le'u mtha' dag rnam par bkod pa'i khyad par gyi tshogs sbyin sreg gi las rab tu sbyar bas rig bsgrub pa
134b₄ po'i me la rab tu spyod pa'i khyad par gyi cho ga dang gang du rab tu gnas pas rig pa'i spyod pa la mngon par brtson pa'i sems can gyis rab tu sbyar bar bya ba yod de de gang zhe na/ 'di'i rig pa'i sngags kyi tshig rnams gsungs pa/ tad+ya thA/ oM tiSh+Tha ha ri sirga la lo hi tAk+Sha/
134b₅ de hi/ da dA pa ya/ hU~M phaT swA hA/ 'di ni spyan ras gzigs dbang phyug gi me'i snying po ste/ las thams cad byed pa 'dod pa thams cad sbyin pa bdag nyid dgongs so/ /sgrub pa pos 'dis me la sbyin sreg bya ste lan cig bzlas pa'i sreg blugs gsum me
134b₆ la sbyin sreg bya'o/ /me spyan drangs par 'gyur ro/ /de bzhin du zhi ba can dang rgyas pa can dang drag po'i las rnams rab tu sbyar ba la yam shing gi shing rnam pa gsum du 'gyur te/ zhi ba'i don du mya ngan med pa'i shing rlan dang bcas pas khyad par du byas pa mtho gang ngam
134b₇ khru gang tsam mam sor gsum pa yang sgrub pa dang / 'jam zhing mnyen pa rab tu bsngags pa ni cho ga 'di bsgrub par bya'o/ /bug pa med cing khong stong yang ma yin pa ne tso'i gshog pa 'dra ba dang / de bzhin du ljang gu dang / lo ma bskams pa'am/ kha dog nag po yang sbyin par bya'o/ /

_{iiif viewer powered by OpenSeadragon}

134a - 135a

Texts on this page