rKTs

e-texts navigator

Volume

Page

134a₁ byas nas/ nyi ma gcig la thun gsum du yongs su bzlas pa lan bcu gnyis su bzlas par bya'o/ /rna ba so sor rnyed do/ /nad la 'phags pa spyan ras gzigs dbang phyug ting nge 'dzin nges par skyes pa'i cho gas ras sam 'bras
134a₂ bu can la kha dog ma 'dres pa'i tshon gyis 'drir gzhug par bya'o/ /de'i spyan sngar mchod pa chen po byas nas stong phrag brgyar bzlas par bya'o/ /ku sha'i stan la 'o ma dang nas zan za zhing dus gsum du khrus byed cing gtsang ma bgos pas yan lag brgyad ldan pa'i
134a₃ gso sbyong can gyis tshes gcig nas brtsams nas ji srid gcig gi bar du bzlas pa dbul bar bya'o/ /de nas nad rab tu zhi bar 'gyur ro/ /sngon spyad pa byas pa'i 'o ma dang nas zan za ba'am ba lang gi gcin dang nas zan za bas dus gsum du khrus bya zhing gso sbyong can
134a₄ gyis ring bsrel dang bcas pa'i mchod rten du ras ris bzhugs nas mar me brgyad so sor sbar te pad+ma stong gis mchod par bya'o/ /nag po'i phyogs la bzlas par bya'o/ /dkar po'i tshes gcig nas bsgrub par bya'o/ /zla ba nya la mtshan mo gsum du smyung bar
134a₅ gnas pas mchod pa rgya chen po byas te/ mtshan thog thag tu bzlas pa bya'o/ /gal te rgyal por gyur na/ sgrub pa po'i khang pa 'bar bar byed cing me tog gi chun bu g.yo bar byed na dkyil 'khor ba'i rgyal por 'gyur ro/ /ras ris kyi spyan sngar tsan+dan dkar pos dkyil
134a₆ 'khor byas nas dri dang / me tog dang bdug pa la sogs pa dang gtor ma yang phul nas me tog gi ge sar brgya phrag gsum blangs te brgyad brgyar mngon par bsngags par byas nas mar gyi mar me gsum sbar te u dum bA ra'i yam shing gis me rab tu sbar nas me tog re re la brgyad
134a₇ brgyar mngon par bsngags par byas nas mar gyis byugs te sbyin sreg bya'o/ /gang 'dod pa de dbang du 'gyur ro/ /mtshan mo bdun du dus gsum du yongs su bzlas par byed na de'i mtshams med pa lnga bsrabs par 'gyur ro/ /nyi ma so sor brgyad brgyar zlos par byed na

_{iiif viewer powered by OpenSeadragon}

133b - 134b

Texts on this page