rKTs

e-texts navigator

Volume

Page

102b₁ 'khor gyi slob dpon la phul ba dang / bla ma dam pa sbyin pa'i 'os su gyur pa la bdag nyid shes pa med do zhes ma zhum pa dang ldan pas rtogs pa yang med cing mthong ba yang med par las chen po'i sgrub pa rnams shes par byed pa bsod nams ma yin pa smra ba tshul khrims 'chal pa'am/
102b₂ dge slong ngam/ dge slong ma 'am/ dge bsnyen nam/ dge bsnyen ma yang rung ste rang gi bslab pa'i mtshams zhig pa/ pham par gyur pa'i ltung ba la zhugs pa'am/ byang chub kyi sems dang bral ba'am/ mtshams med pa byas pa'am/ slob dpon la brnyas pa'am/ mchod
102b₃ rten gyi gnas la rdog pas brdzis pa'am/ slob dpon gyi grib ma la 'gom par byed pa'am/ theg pa chen po la yang brnyas pa dang / byang chub sems dpa' rnams la sdang bar gyur pa'am/ lha thams cad la brnyas pa ste/ nyes pa 'di rnams kyis las gzhan
102b₄ byas pa de yang dag par byas pa ma yin rnam pa gzhan du byas par 'gyur te/ de dngos grub dang bral ba ni de nyid kyi cho ga las 'das pa'i phyir ro/ /gang la la 'di rnams byed pa de'i dngos grub de skad cig ma gcig la 'jigs par byed de rig pa cung zad bzlas pa ni dus gzhan
102b₅ du kun tu gnas te gang yang sgrub pa'i dus can gyi dngos grub ma yin pa de 'dir 'gyur ro/ /slar yang rig pa 'dzin pa gang zhig gsang ba'i sgrub pa'i cho gas rgyal po'i rkang rjes kyis la bar skabs 'dir brgyad brgya'am/ lnga brgyar sreg blugs mar gyis btags pa'i sbyin
102b₆ sreg byed do/ /de nyid du thams cad du byed pa'i rgyal po ji srid 'tsho'i bar du dbang du 'gyur ro/ /'khor los sgyur ba la yang ji skad gsungs pa'i dus kyi sgrub pa byed pa la nges par dngos grub med par mi 'gyur te dngos grub nyams par yang mi 'gyur ro/ /de nas yang
102b₇ sems dpa' chen po stong phrag brgyad ci yang mi gsung bar gnas par gyur to/ /de nas yang byang chub sems dpa' sems dpa' chen po mthu chen thob/ byang chub sems dpa' spyan ras gzigs dbang phyug skye bo du ma'i nang du lhung ba dge ba'i spyod pa'i mchod pa chung ngu de

_{iiif viewer powered by OpenSeadragon}

102a - 103a

Texts on this page