rKTs

e-texts navigator

Volume

Page

310b₁ 'dzin las nges par skyes pa sangs rgyas bcu gnyis kyis mngon par dbang bskur ba zhes bya ba'i rig pa'i rgyal po chen po rdzogs so/ / //de nas byang chub sems dpa' sems dpa' chen po spyan ras gzigs dbang phyug slar yang yangs pa dang ldan pa'i ting nge 'dzin bsgom bzhin pas
310b₂ thams cad dang ldan pa'i 'jig rten gyi khams yang dag par dgongs nas bcom ldan 'das ma 'phags ma sgrol ma'i rtog pa'i rgyal po chen po lhag par mos pa'i phreng ba zhes bya ba sangs rgyas kyis gsungs pa 'di bka' stsal to/ /na mo rat+na tra yA ya/ na mo a mi tA b+hA ya/ na
310b₃ mo na maHsarba bo d+hi satwA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ maN+Da bi shA la kIrti sarba bid+yA swA hA/ 'di ni mthu chen po thob pa/ lhag par mos pa'i phreng ba zhes bya ba'i rig pa'i rgyal mo chen mo ste/
310b₄ sangs rgyas du mas rjes su gnang ba/ byang chub sems dpa' du ma'i ting nge 'dzin yang dag par skyed par byed pa 'di bsgrub par bya'o/ /dbul po gang la la bsgrub par bya ba ras ris zla ba'i nang du de'i 'byor pa rgyas par 'gyur ro/ /dbul po thob pa gang la la rig pa
310b₅ 'di don chen po sbyin pas mchod pa bya bar 'gyur ro/ /'jig rten gyi rnam par 'byor pa sgrub par byed pa'i las so/ /de nas sgrub thabs su 'gyur ba ni bcom ldan 'das spyan ras gzigs dbang phyug sngar brjod pa'i ras ris bri bar bya'o/ /dgu pa nas brtsams te dkar po'i
310b₆ zla ba nya la yongs su rdzogs par byed du gzhug par bya'o/ /pad+ma dkar po'i gdan la bzhugs pa ral pa gyen du brdzes pa'o/ /'phags pa 'od dpag tu med pa gnyis pa steng du'o/ /rang gzhogs su shAkya thub pa yang ngo / /'phags pa spyan ras gzigs dbang phyug gi g.yas su
310b₇ dpal chen mo bri bar bya'o/ /g.yon gyi gzhogs su rdo rje sde bri bar bya'o/ /sku mdog dkar po ston ka'i sprin ltar dkar ba phyag na ril ba spyi blugs dang / chu snod bsnams pa'o/ /'phags pa spyan ras gzigs dbang phyug gi spyi bor a ti muk+ta ka'i me tog go/ /'phags

_{iiif viewer powered by OpenSeadragon}

310a - 311a

Texts on this page