rKTs

e-texts navigator

Volume

Page

310a₁ mtshams gsum dran par 'gyur ro/ /de'i nad thams cad dang sha za la sogs pa rnams dang / srin po lus la 'pho bar mi 'gyur te bskal pa bye ba brgya phrag tu yang de ltar 'gyur ro/ /'di'i ras ris kyi cho ga ni ma nyams pa'i ras sngar brjod pa'i mtshan nyid
310a₂ dang ldan pa la 'phags pa spyan ras gzigs dbang phyug kun nas bri bar bya'o/ /ral pa gyen du brdzes pa dkar po phyag na pad+ma ste g.yas pas mchog sbyin pa g.yon pa'i phyag gis pad+ma bsnams pa de'i steng du yang dag par rdzogs pa'i sangs rgyas bcu gnyis bri bar bya'o/ /gser
310a₃ mdog mi 'jigs pa rab tu sbyin pa'o/ /'di lta ste pad+ma'i bla ma dang / yon tan bla ma dang / ye shes dbang phyug dang / rtag par sgra dbyangs dang / rnam par gzigs dang / gtsug tor can dang / thams cad skyob dang / log par dad sel dang / gser thub dang / 'od srung dang /
310a₄ shAkya thub pa dang / 'od dpag med dang / mi 'khrugs pa ste/ yang dag par rdzogs pa'i sangs rgyas 'di rnams kun nas bri bar bya'o/ /de lta bu'i ras ris 'drir bcug nas sngar gsungs pa'i gnas su bzhugs nas 'bum phrag gsum bzlas pa bya'o/ /'di nyid kyis dri dang me
310a₅ tog dang / bdug pa la sogs pa dbul bar bya'o/ /gang byed pa la gcig tu dpa' bas 'bum phrag bzlas par bya'o/ /de nas mtshan mo gsum du smyung bar gnas te ras ris la mchod pa chen po byas nas mig sman nam/ ldong ros sam/ gi wang yang rung ste stong du bzlas pa'i ras
310a₆ ris kyi spyan sngar a shwat+tha'i 'dab ma'i nang du btums te ji skad gsungs pa'i cho gas ku sha'i khres la nye bar 'dug ste srod nas brtsams te ji srid dro bar gyur pa dang / du ba 'thul ba dang / 'bar bar gyur pa de srid du bzlas par bya'o/ /dro bar byed bzhin pas ni thig le byas na thams
310a₇ cad dbang du byed do/ /du ba 'thul bzhin pas ni mi snang bar 'gyur ro/ /'bar bas ni nam mkha' la 'gro'o/ /ras ris rab tu 'gul na rgyal srid du 'gyur ro/ /bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa yangs pa dang ldan pa'i ting nge

_{iiif viewer powered by OpenSeadragon}

309b - 310b

Texts on this page