rKTs

e-texts navigator

Volume

Page

306a₁ gsum pa la mchod pa rgya chen po byas nas ji skad brjod pa'i cho gas bcu gnyis yongs su 'gyur ba'i kham phor zho dang / sbrang rtsi dang / 'o thug kham phor bcu ku sha'i khres la 'dug ste/ srod nas brtsams nas ji srid dngos grub kyi mtshan ma ma byung gi
306a₂ bar de srid du bzlas pa bya'o/ /lha'i me tog gi char 'bab pa dang / 'brug dang rnga bo che rnams kyang sgra sgrogs pa dang / ras ris 'gul ba dang / mar me'i rtse mo 'phel lo/ /de nas grub pa yin te sa thams cad la dbang ba'i rgyal por 'gyur ro/ /gang mngon par 'dod kyang
306a₃ rung ste thams cad thob par byed do/ /bcom ldan 'das ma 'phags ma sgrol ma'i yangs pa dang ldan pa'i ting nge 'dzin gyi rgyal po'i rtsa ba'i rtog par 'jug pa zhes bya ba'i rig pa'i rgyal po chen po yongs su rdzogs so// //de nas byang chub sems dpa' sems dpa' chen
306a₄ po spyan ras gzigs dbang phyug sems can rjes su gzung ba'i ched du slar yang ting nge 'dzin gyi rgyal po de nyid sgom bzhin du bcom ldan 'das ma 'phags ma sgrol ma'i rtog pa'i rgyal po chen por skye bo dbul po rjes su gzung ba'i ched du dkar mo chen mo'i rig pa bka' stsal to/ /
306a₅ de la 'di rnams ni don thams cad sgrub par byed pa'i rig pa'i sngags kyi tshig rnams su 'gyur ro/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ kr-iSh+Na dzi naM ba ra d+ha ra/ ka ma lA ya/ tIk+ShaM pad+ma a sa na s+thaM a b+ha ya prad/
306a₆ ma gra ha taM/ b+hA Sha swadz+dza Ta ma ku Ta d+ha ri/ Nau pad+ma baR+Na Ar+ya a ba lo ki te shwa ri ma haM sa ra NaM pra pad+ya/ tad+ya thA/ shwe te bi dza ye shwe ta bas+t+ra/ shwe ta b+hu dze/ shwe ta pad+ma a laM kIrta dza ye bi dza ye/ a b+ha ye shwe taM aM shu ma b+ha ya pra te shwe taM tsa ga ga na shud+d+haM shwe taM bid+yA/ sa ma pra
306a₇ sa ma pra b+he shwe te b+h+yaH/ b+ha ba s+ya/ shaklAM shu raM b+ha bAn+ta re paN+Da ra/ pa Ta pa TA ya ra ra ra ra ra ya bi dza ye swA hA/ pa ri klI ba le ba re ba rA ya swA hA/ 'di ni mthu chen po thob pa'i dkar mo chen mo zhes bya ba'i rig pa'i rgyal mo ste las thams cad byed ma/ dbul ba dang / nad rab tu

_{iiif viewer powered by OpenSeadragon}

305b - 306b

Texts on this page