rKTs

e-texts navigator

Volume

Page

303a₁ ma hA satwA ya/ ma hA kA ru Ni kA ya/ tad+ya thA/ mu ne mu ne/ shAn+te bi shud+d+he ga ga na ta le pu gan+d+he gan+d+ha/ u da ka ba liM tsa ha ra ha ra ka ra ka ra bi b+hu swA hA/ me tog dang / dri dang / bdug pa dang / mar me thams cad la sngags 'dis lan bdun mngon par bsngags pas
303a₂ lan cig bzlas sam dbul bar bya'o/ /sa'i gong bu dkar pos rtag tu bdag nyid gtsang bar bya'o/ /bcom ldan 'das la gur gum gyi chu dang / tsan+dan dang / ga pur gyi dri dang / tu ruSh+ka la sogs pa dang / a ga ru'i bdug pa dang / bal+li ka'am/ tsam pa ka'i
303a₃ me tog gi phreng ba dang / 'o ma sum cu rtsa gnyis su 'gro bar bya ste/ zan gyi gtor ma dang / ba'i mar gyi mar me rnams so/ /de nas 'di'i ras ris 'byung ste/ 'dod pa'i skra dang bral ba kha tshar ma bcad pa ji ltar rnyed par gyur pa la bcom ldan 'das spyan ras
303a₄ gzigs dbang phyug gur gum gyis bri bar bya'o/ /chu las skyes pa'i pad+ma'i gdan dang phyag na pad+ma dang pad+ma'i phreng bas brgyan par byas pa/ gos dkar po can mchod phyir thogs pa/ phyag mi 'jigs pa rab tu sbyin pa/ ral pa gyen du brdzes pa de lta bur bri bar bya'o/ /bcom
303a₅ ldan 'das sngar brjod pa'i gnas su ras ris zhal shar du mngon par phyogs par bzhugs su gsol nas 'bum phrag bcur bzlas par bya'o/ /bzlas pa yongs su rdzogs pa na me sbar nas sbrang rtsi dang mar sbyar bas dus gsum du sbyin sreg ji srid 'bum rdzogs kyi bar du byas na
303a₆ gang mngon par 'dod pa de rnyed par 'gyur ro/ /rgyal srid kyi longs spyod 'dod na gur gum dang / tsan+dan dang / me tog brgya pa dang / 'bras yos rnams gcig tu byas nas mar dang sbrang rtsis btags nas thun gsum du sbyin sreg bya'o/ /sbyin sreg mtha'i nyi ma la mthong
303a₇ ba stsol bar byed do/ /mtshan ma 'di rnams kyang stsol te gtsug pud gyen du brdzes par 'gyur ro/ /skyon med pa'i 'od kyi rgyal mtshan dang / phreng ba 'bar ba'i ras ris rab tu sbyin pa'am smra bar byed do/ /rig pa 'dzin pas yid kyis bzlas pa bya/ nam mkhar lha'i ngag thos na

_{iiif viewer powered by OpenSeadragon}

302b - 303b

Texts on this page