rKTs

e-texts navigator

Volume

Page

301a₁ yang las byed par 'gyur ro/ /gi wang la lan bdun mngon par bsngags pas khyad par du byas nas gang mthong ba dang / gang rnams mthong ba de thams cad dga' bar 'gyur ro/ /de bzhin du mig sman gyis so/ /tho rangs langs nas lan bdun mngon par bsngags
301a₂ pa'i chus bde bar khrus byas na gang la bltas pa de sbyin par byed cing de 'bangs su yang 'gyur ro/ /de bzhin du til mar so la ma reg par bza' bas 'dod pas khyer ba'i chu la lan bdun mngon par bsngags par byas nas 'thungs na don du ma gnyer bar yang bza' ba rnyed do/ /rgyal
301a₃ po'i khab tu zhugs nas chos gos kyi mtha' nas bzung ste lan nyi shu rtsa gcig tu yongs su bzlas nas lag pa g.yon pas mdud pa bya'o/ /rgyab tu mi lta bar song na smra ba thams cad kyi mchog tu 'gyur ro/ /chom rkun gyi nang du song bas kun du 'phrog par bya ba nyid la bzlas
301a₄ pas gtsang bar byed do/ /gcod pa dang / 'bugs pa la sogs pa rnams kyi sngags rnams so/ /sA lu'i 'bru dang / ka ra bIr dkar po dang / don grub dang / /kA ba rnams kyis gzugs brnyan byas nas lag pa g.yon pas mnan te stong phrag brgyad bzlas pa byas na steng du
301a₅ langs par byas par 'gyur ro/ /rims gzhom par 'dod na gi ri kad+na ka ra'i me tog la stong phrag brgyad bzlas pa byas na nyi ma bdun gyis sha za'i rims nyams par byed do/ /seng ldeng gi yam shing gis sbyin sreg stong phrag brgyad byas na gdon thams cad 'joms par byed do/ /
301a₆ thal ba la lan bdun bzlas pas pha rol gyi sngags rnams 'ching bar byed do/ /chu la lan cig bzlas pas grol lo/ /de lta bu la sogs pa'i las rnams so/ /de nas yang / bcom ldan 'das shAkya thub pas slar yang 'khor gyi dkyil 'khor chen po de la gzigs nas byang
301a₇ chub sems dpa' chen po la bka' stsal pa/ sems dpa' chen po 'dod pa phun sum tshogs par byed pa zhes bya ba yod do/ /de ni rigs kyi bdag po/ sangs rgyas thams cad kyi rjes su yi rang ba rtog pa'i rgyal po 'di sgrub thabs kyi cho ga bcom ldan 'das ma 'phags ma

_{iiif viewer powered by OpenSeadragon}

300b - 301b

Texts on this page