| e-texts navigator |
| བོད་ཡིག |
298b1 sdug na bdag sdug par legs par mthong bar byed pa'i ye shes dang ldan pa dbang po rnams legs par bzung ste rnam par g.yeng ba dang bcas pa'i sems dang / nga rgyal dang / ser sna lag pa la 'jug pa/ rab tu dgag pa'i don du rdzas yongs su 'jal ba dang / lha gzhan la phyag
298b2 mi byed pa dang / dkon mchog gsum la dang ba shin tu mngon du gyur pa'i dad pa'i nor gyis bcom ldan 'das ma 'phags ma sgrol ma la mngon par dang ba dang / snying rje chen po'i bdag nyid dang / legs par brtson pa'i bsam pas byang chub tu sems bskyed cing / mdor na byang
298b3 chub chen por smon lam btab pa/ rgyun du sgrub par 'gyur bar bya'o/ /de la dang po re zhig bris sku'i cho gar 'gyur te rgyal po thams cad kyi bdag po 'khor los sgyur ba/ ma nyams pa'i ras lhag ma min pa/ kha dog can la bcom ldan 'das kyi sku gzugs 'drir gzhug
298b4 par bya ste/ gser ltar ser ba'i gzugs brnyan chos ston par byed bzhin pa seng ge'i khri la nye bar bzhugs pa/ rnam pa thams cad kyi mchog dang ldan pa lus thams cad kun nas 'bar ba'i do shal can bya'o/ /steng du ri'i rtse mor glog dang sprin dang bcas pa'o/ /'og
298b5 tu pad+ma'i mtsho bya'o/ /bcom ldan 'das kyi gtsug tor 'od zer las byung bzhin pa bya'o/ /sgrub pa po yang gnas dang cha byad dang / dbyibs kyi rnam pa ji lta ba bzhin dang / lag na spos phor thogs pa bcom ldan 'das la lta bar byed bzhin pa/ ras ris rnam pa de lta bur
298b6 bris la sgrub pa po yang dus gsum du khrus bya zhing gos gtsang ma bgos te/ skye bo dang bral ba'i dben par rgyun chen por ras ris bzhugs su gsol la rnam pa thams cad du lus dang ngag dang / sems yongs su skyo ba med par sangs rgyas bcom ldan 'das la
298b7 mchod pa rgya chen po byas nas/ zla ba nya la nyin mtshan du smyung bar gnas te sgrub pa brtsam par bya'o/ /lo ma dang / zan dang / 'o ma dang / slong mo'i bsod snyoms kyi bza' ba dang / chu dang / phye'i bza' ba'am/ 'o ma dang nas zan bza' bar bya'o/ /a
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po