rKTs

e-texts navigator

Volume

Page

297b₁ de bzhin du rig pa'i rgyal po 'di ni sngags thams cad kyi mchog tu bstan cing / gtso bo dam pa yin te/ de bzhin gshegs pa gang gA'i klung gi bye ma snyed kyi sangs rgyas bcom ldan 'das brjod du med pa rnams kyis sngar gsungs pa de bzhin gshegs pa rin chen tog gi mchog
297b₂ gi snying po mchog tu gsang ba kun nas bkra shis par 'dod pa sangs rgyas thams cad kyis yang dag par bstod cing rab tu bsngags la/ sems can thams cad la dbugs 'byin pa/ sdig pa thams cad rab tu zhi bar byed pa/ 'dod pa thams cad sbyin pa/ re ba thams cad
297b₃ yongs su rdzogs par byed pa de gang zhe na/ /bar skabs 'dir bcom ldan 'das shAkya thub pa'i smin mtshams kyi mdzod spu nas sangs rgyas thams cad yang dag par skul bar byed pa zhes bya ba'i 'od zer byung bar gyur to/ /gang 'di/ phyogs bcu steng 'og thams cad dang
297b₄ ldan pa'i sangs rgyas kyi zhing rnams kun du snang zhing sems can thams cad kyi yid kyang tshim par byas nas slar yang bcom ldan 'das shAkya thub pa'i gtsug tor du nub par gyur to/ /bcom ldan 'das kyi gtsug tor nas kun nas 'bar ba'i 'phro ba'i lus can blta
297b₅ bar mi nus pa'i sems can kun gang gis kyang mi thub pa/ 'od chen po yang dag par byung ba/ 'od kyi dkyil 'khor gyis lus brgyan pa/ rnam pa sna tshogs pa'i gzugs can/ 'khor los sgyur ba chen po'i gzugs dang ldan pa/ rig pa'i rgyal po yi ge gcig pa
297b₆ zhes bya bar gyur to/ /byung nas nam mkha'i dkyil kun du snang bar byas te/ rig pa'i rgyal po thams cad kyis yongs su bskor ba/ rig pa 'dzin pa bye ba khrag khrig brgya stong phrag du mas mdun du bdar nas mchod bzhin pa/ 'jig rten thams cad kyi bla ma/ rig
297b₇ pa'i 'khor los sgyur ba'i rgyal pos mngon par bsngags bzhin pa/ sangs rgyas thams cad la mnga' sgyur bzhin pa/ sangs rgyas dang byang chub sems dpa' sa bcu la bzhugs pa rnams kyi rim gro byed bzhin pa'i blo gros chen po/ nam mkha'i dkyil

_{iiif viewer powered by OpenSeadragon}

297a - 298a

Texts on this page