| e-texts navigator |
| བོད་ཡིག |
297a1 stsol 'gyur/ /dang po las la rab sbyor dang / /sngags kyi rgyu la rab 'jug pas/ /'bras med 'bras bu bcas pa nyid/ /dngos grub de la brjod par bya/ /rgyal ba'i sgra 'am pa Ta ha/ /rnga bo che yi sgra grags na/ /brtson ldan kun 'gro'i dngos grub ste/ /
297a2 sbyin sreg las la yang dag brten/ /gzhan yang dge mtshan dpal dang ni/ /'dab chags sgra ni bzang po dang / /rnam pa sna tshogs sgra dbyangs sam/ /rgyal bas bsngags shing rab bsngags pa/ /bkra shis bzang po yid 'ong dang / /rnam pa sna tshogs sgra dang ni/ /gdugs
297a3 dang rgyal mtshan ba dan dang / /bud med rgyan gyis brgyan pa dang / /de bzhin bum pa gang ba dang / /mchod yon mthong na dngos grub rgyu/ /kha dog rnam pa du ma dang / /rab sngags 'jig rten gyis mchod pa'i/ /dge slong rnams dang dge slong ma/ /mthong nas de rnams blta ba la/ /
297a4 gsang sngags spyod tshul sna tshogs 'grub/ /byang chub sems dpa'i sde snod phal po che theg pa chen po shin tu rgyas pa'i mdo sde/ bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa las/ bgrang phreng srad bu'i cho ga'i le'u rab 'byam bcu gcig pa
297a5 yongs su rdzogs so/ / //de nas yang bcom ldan 'das shAkya thub pas slar yang 'khor gyi dkyil 'khor chen po la gzigs nas/ byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ sems dpa' chen po khyod
297a6 kyi rig pa'i gsang chen yod do/ /sngags thams cad kyi sgrub thabs kyi cho ga'i dam tshig shes pa/ de bzhin gshegs pa thams cad kyi chos kyi mdzod las byung ba/ chos kyi sprin la mthun par rab tu zhugs pa/ nam mkha'i rang bzhin/ 'jig rten dang 'jig rten las 'das
297a7 pa'i sngags kyi mnga' bdag ches gtso bor gyur pa sems dpa' chen po dper na de bzhin gshegs pa ni sems can thams cad kyi gtso bo/ /ches gtso bor gyur pa lha dang mi rnams kyi nang nas skyes bu'i khyu mchog sangs rgyas bcom ldan 'das yin no/ /byang chub sems dpa'
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po