| e-texts navigator |
| བོད་ཡིག |
295a1 du rab gnas pas/ /myur du dngos grub the tshom med/ /shar dang byang du kha phyogs pas/ /zhi ba can dang rgyas pa bya/ /lho ru drag po'i lam rnams te/ /de ni sngags pas spang bar bya/ /shar bltas zhi ba'i dngos grub ste/ /rgyas pa can yang byang du
295a2 phyogs/ /de yis sngags ni dus rtag tu/ /rig pa'i bzlas pa brtsam par bya/ /bil ba arga slak+Sha dang / /n+ya gro d+ha yis rgyas las bya/ /mngon spyod shing ni skam po dang / /tsha ba skyur dang rnon po rnams/ /de dag thams cad spang bya ste/ /thub pa rnams kyis rtag tu bkag /
295a3 zhi ba can dang rgyas pa can/ /rlon pa'i shing gis rab tu shis/ /de bzhin drag las la shing skam/ /tsha ba skyur dang rnon po rnams/ /yam shing de rnams med na ni/ /shing la de rnams su rtag bya/ /rtse mo gnyis su brtag pa bya/ /sngo dang snum dang 'dra ba dang / /rma bya'i
295a4 mgrin pa dang mtshungs pa'i/ /rnam pa de lta'i ku sha yis/ /kho ra yug tu ku sha ni/ /rtag tu dgram par bya ba ni/ /zhi ba can dang rgyas pa can/ /mar gad dang ni mtshungs pas so/ /de bzhin rtag tu skam po'i rtsis/ /sdig pa'i las ni bya ba ste/ /'dir ni rgyal ba mchog gis
295a5 bkag / dri med chu ni dag pa la/ /rtag tu srin bus spangs pa yi/ /de nas kun nas bsang gtor bya/ /g.yas phyogs su ni bskor byas te/ /brtson pas me ni sbar bar bya/ /cho ga ji bzhin nye reg bya/ /gtsang ma'i rtswa yi rtsa ba yis/ /sgron me tshad dang ldan byas nas/ /de
295a6 nas khu tshur brtsams byas nas/ /'bad pas me ni sbar bar bya/ /kha yi rlung gis mi bya ste/ /rtag tu gos kyi mthas kyang min/ /sham thabs bla gos mngon par spang / /gos gzhan gyis kyang lag pa yi/ /rlung gi nye bar gzhom pa la/ /mngon par dga' bas ma yin no/ /
295a7 gtsang ma'i rlung yab de bzhin gos/ /nor bus kyang ni rlung yab bya/ /rlung ni yang dag 'byung ba 'dis/ /me ni mnyam par byas pa la/ /sngags shes pas ni me sbar bya'o/ /sbyin sreg don du mnyam gzhag pas/ /de nas g.yas pa min pa yis/ /der ni bsang gtor byas
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po