| e-texts navigator |
| བོད་ཡིག |
276b1 pa'i sgrub pa'i thabs kyi cho ga rab tu sgom pa nyid kyi phyir dang / sangs rgyas dang / byang chub sems dpa' thams cad dang / rang sangs rgyas dang / 'phags pa nyan thos bdag nyid chen po rnams 'byung ba nyid kyi phyir/ rtog pa'i rgyal po 'di bsgrub par bya ste/ sngags
276b2 kyi mthu rab 'byam dang ldan pa ras ris thu bo spyan snga dang nye bar 'dug nas 'jig rten pa dang / 'jig rten las 'das pa thams cad kyi sngags kyi cho ga dang / rgyud thams cad du rnam pa sna tshogs pa'i lam ste/ mdor na 'dir rtog pa gzhan du gsungs pa'i las rnams kyis
276b3 kyang ras ris kyi rgyal po 'di bsgrub par bya ste/ myur du de rnams kyi dngos grub tu 'gyur te gang ngas bstan pa de dag gdon mi za bar 'grub par 'gyur ro/ /byang chub sems dpa'i sde snod phal po che theg pa chen po shin tu rgyas pa'i mdo sde bcom ldan 'das ma 'phags ma sgrol
276b4 ma ral pa gyen brdzes kyi rtsa ba'i cho ga las/ ras ris mchog gi sgrub pa'i le'u ste brgyad pa rdzogs so// //de nas bcom ldan 'das shAkya thub pas slar yang 'khor gyi dkyil 'khor chen po de la gzigs nas byang chub sems dpa' chen po la bka' stsal pa/ sems
276b5 dpa' chen po khyod kyi ras ris kyi cho ga bar ma'i las kyi cho ga'i sgrub thabs bar ma yod do/ /de mdor bsdus nas bshad par bya yis/ legs par yid la gyis shig dang bshad par bya'o/ /de nas yang byang chub sems dpa' sems dpa' chen po spyan ras gzigs
276b6 dbang phyug gis bcom ldan 'das la 'di skad ces gsol to/ /bcom ldan 'das ston pa 'jig rten la thugs brtse ba can/ sems can thams cad la phan par dgyes pa/ bdag cag la thugs brtse ba'i don dang / ma 'ongs pa'i skye bo rnams la gzigs nas
276b7 gang de'i dus la bab par dgongs na de gsung du gsol/ de skad ces gsol pa dang / byang chub sems dpa' sems dpa' chen po spyan ras gzigs dbang phyug la bcom ldan 'das kyis 'di skad ces bka' stsal to/ /sems dpa' chen po nyon cig /dang po re zhig
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po