rKTs

e-texts navigator

Volume

Page

274b₁ de nas myur du 'gro bar bya/ /bde gshegs mchod rten bzhugs pa yi/ /sa stengs rnams su kun du 'dug /'jig rten mu stegs thams cad ni/ /lta ba ngan par lhung ba rnams/ /mu stegs can gzhan gnas rnams ni/ /sngags rig pas ni rtag tu spangs/ /sngags shes
274b₂ der ni mi bsdad do/ /skyes mchog blo gros rgyu ngan pa/ /rgyal ba mchog gis gang bzhugs dang / /rang rgyal bse ru lta bu dang / /byang chub sems dpa' skal ba che/ /rgyal mchog sras po nyan thos rnams/ /de rnams kun bzhugs sa stengs kyi/ /yul rnams kun
274b₃ du sngags shes pas/ /'bad pas sngon du bsnyen pa bya/ /mnyam par gzhag pas gsang sngags ni/ /gnas de ru ni bzlas par bya/ /gsungs pa'i gnas ni 'di rnams su/ /gsungs pa'i las rnams thams cad dang / /las kyi cho ga'i sgrub thabs
274b₄ rnams/ /'di rnams rnyed par ma gyur na/ /gang yang rung ba'i gnas der ni/ /gtsang mas sngon du bsnyen pa bya/ /dad cing mos pas sgrub thabs kyi/ /cho ga mchog gi las brtsam mo/ /dang po re zhig /bris sku'i thu bo zhal nub tu bstan nas bzhag ste/ bdag
274b₅ nyid shar du mngon par phyogs la grog mkhar gyi sa'am/ gang gA'i klung gi 'gram gyi sa blangs nas pu shel tse dang / tsan+dan dkar po dang / gur gum dang / ga pur rnams bsres la rma bya'i gzugs byas te/ de bris sku'i spyan sngar bzhag nas rtse mo ma bcad pa'i ku sha
274b₆ gtsang ma'i phyogs nas byung bas 'khor lo'i rnam pa byas nas bris sku'i spyan sngar lag pa g.yas pas bzung ste/ lag pa g.yon pas ni rma bya'o/ /dkar po'i zla ba nya ba'i mtshan phyed na bris sku la mchod pa chen po byas nas ga pur gyi bdug pa bsregs pa'i dri dang ji srid
274b₇ nam langs pa'i bar de srid du bzlas par bya'o/ /de nas nyi ma 'char ba'i dus kyi tshe de rma bya'i rgyal por 'gyur ro/ /'khor lo yang 'bar ro/ /bdag nyid lha'i phreng ba dang gos 'chang zhing rnam par brgyan pa dang / nyi ma 'char ka 'dra bar 'dod pa'i gzugs can du

_{iiif viewer powered by OpenSeadragon}

274a - 275a

Texts on this page