rKTs

e-texts navigator

Volume

Page

264a₁ chen po mchog gi snying po chen po dang mtshungs pa bya ba thams cad mchog tu grub pa/ sems can thams cad la sangs rgyas bzhin du skyes pa/ sangs rgyas thams cad kyis rjes su yi rang ba/ 'jigs pa chen po brgyad las skyob pa/ las thams
264a₂ cad byed pa/ byang chub kyi lam ston pa po/ /pad+ma'i rigs kyi rig pa/ rab dang / 'bring dang / tha ma la yang dag par rab tu sbyor ba/ shin tu mdzes pa'i las kyi 'bras bu rnam par smin pa/ rab tu sbyin pa dang / bstan pa nub pa'i dus kyi tshe'ang 'grub par 'gyur
264a₃ ro/ /dam pa'i chos kyi tshul bsrung ba'i ched du/ mnyam par 'jug cing 'grub par 'gyur ro/ /de rnams sbyor ba chung ngu nyid kyis rgyal srid chen po dang / longs spyod chen po'i dbang phyug gi don de rnams 'grub par 'gyur ro/ /de rnams shin tu myur bar de'i tshe de'i dus
264a₄ su dngos grub thob par 'gyur ro/ /ras ris kyi cho ga mdor bsdus par gyur pa 'di de'i tshe de'i dus na 'jigs pa chen po dang / snyigs ma lnga'i sems can bsod nams chung ba 'byung bar 'gyur te/ dbang chung bar grags pa/ tshe thung ba/ brtson 'grus zhan pas ras ris kyi cho
264a₅ ga shin tu rgyas pa'i las bsgrub par bya ba la sogs pa'i las rnams rab tu brtson par mi nus te/ de rnams kyi don du ches mdor bsdus te gsungs pa ni/ dang po re zhig dpa' bo'i rin gyis dog pa nyos/ srang tshad tsam mam srang phyed tsam/ dkyus su khru gang tsam la zheng du khru phyed
264a₆ tsam pa'i ras kha tshar dang bcas pa tha ga pas btag par bya'o/ /yang na slar yang skra dang bral ba'i ras kyi dum bu gsar pa steng 'og tu ji ltar 'dod pa khru gnyis sam bzhi'am/ drug gam/ lnga'am/ bcu'am/ brgyad pa'i ras shin tu dkar ba blangs te/ ji ltar 'dod
264a₇ pa bzhin du ri mo mkhan 'drir gzhug par bya'o/ /tsan+dan dang ga pur dang gur gum gyis bsgos pa'i ma 'dres pa'i tshon rtsi de rnams dang / ras tsan+dan dang / gur gum dang / ga pur rnams gcig tu byas pas srog chags med pa'i chu rnyog ma med pa dang bsres te/ snod gsar par

_{iiif viewer powered by OpenSeadragon}

263b - 264b

Texts on this page