rKTs

e-texts navigator

Volume

Page

263a₁ byed pa'i chos lhag ma dang bcas pa nges par byang chub la rgyun du mchog tu gzhol ba/ byang chub sems dpa' rnams kyis rig pa dang / sngags kyi spyod pa thams cad kyi don sgrub par byed pa bdag gi rig pa gsang chen 'di nyid skye bo thams cad rgyas
263a₂ par byed par 'gyur ba ma 'ongs pa'i dus 'jig rten gyi bla mar mya ngan las 'das pa na de bzhin gshegs pa nyi ma'i rigs nub pa sangs rgyas dang byang chub sems dpa' dang / rang sangs rgyas dang / 'phags pa nyan thos thams cad kyis spangs shing thams cad bor te mun
263a₃ par gyur pa dang / snod kyi 'jig rten rnam par zhig ste 'phags pa'i lam dang / rig pa dang / sngags dang / sman dang / nor bu rin po che thams cad dang bral ba/ skye bo legs pas yongs su bzung ba'i snang ba med pa'i sems can gyi khams 'byung bar 'gyur te/
263a₄ le lo can dang / dran pa nyams pa dang / ma dad pa dang / mi srun pa dang / mi dge ba'i bshes gnyen gyis yongs su zin pa sgyu dang g.yo dang / dang g.yo ba'i spyod pa dang ldan pa de rnams/ chos kyi rnam grangs 'di thos nas kun du skrag par 'gyur te/ le lo
263a₅ dang / snyom las la mngon par dga' zhing dad pa med par 'gyur te/ 'dod pa tshol zhing gsang sngags tshol bar mi 'gyur te/ log par lta ba la dga' ba rnams kyang bsod nams ma yin pa mang po la 'jug par 'gyur te/ dam pa'i chos spong bar byed pa 'byung
263a₆ bar 'gyur ro/ /mnar med pa la mchog tu gzhol zhing drag po'i yang drag por 'gro ba sdug bsngal gyis gdungs pa de rnams kyi don gyi phyir dang / dbang du ma gyur pa rnams dbang du gyur par bya ba dang / dbang du gyur pa rnams la mi 'jigs pa rab tu sbyin pa dang / thabs
263a₇ la mkhas pas bsdu ba'i sbyor ba rig pa dang / ras ris kyi cho ga da lta gsungs pa'i dus la bab par dgongs na bcom ldan 'das gsung du gsol/ /de skad ces gsol pa dang / bcom ldan 'das mchog tu gsang ba rig pa'i brtul zhugs kyi cho ga rab 'byam mchog tu

_{iiif viewer powered by OpenSeadragon}

262b - 263b

Texts on this page