| e-texts navigator |
| བོད་ཡིག |
260a1 bcom ldan 'das ma 'phags ma sgrol ma ral pa gyen du brdzes pa'i rtsa ba'i cho ga rab 'byam gyi bris sku dang po rdzogs so// //de nas bcom ldan 'das shAkya thub pas thams cad dang ldan pa'i 'khor la gzigs nas byang chub sems dpa' sems dpa'
260a2 chen po spyan ras gzigs dbang phyug la bka' stsal pa/ sems dpa' chen po gzhan yang khyod kyi ras ris kyi cho ga bar ma yod de/ de ngas bshad par bya yis/ de legs par nyon la legs par yid la gyis shig /bshad par bya'o/ /dang po re zhig sngar bstan pa'i
260a3 dog pa dang / sngar brjod pa nyid kyi cho ga dang / sngar yongs su brtags pa'i bzo bo dang / sngar gyi tshad bar ma nyid kyis ras shin tu dag pa/ 'jam pa/ shin tu sbyangs pa/ kha tshar dang bcas pa/ tshon ma 'dres pa/ skra dang 'dres pa dang bral ba la sogs pa rnams
260a4 kyis tshad dang gzugs ma gtogs pa dang po ji lta ba de bzhin nyid kyis ras ris phyi ma 'drir gzhug par bya'o/ /dang po re zhig gnas gtsang ma'i gnas kun nas mdzes pa'i rnam pa rin po che shel gyi rang bzhin lta bu mu tig dkar po'i do shal gyis brgyan pa/ de'i dbus
260a5 su bcom ldan 'das shAkya thub pa 'drir gzhug par bya ste/ rin po che seng ge'i khri la nye bar bzhugs pa/ chos ston par mdzad bzhin pa/ rnam pa thams cad kyi mchog dang ldan pa'o/ /g.yas kyi gzhogs su 'phags pa spyan ras gzigs dbang phyug pad+ma'i ge sar
260a6 du snang ba'am/ gur gum mam/ nyi ma'i kha dog can/ phrag pa g.yon pa'i phyogs su pad+ma bsnams pa/ thal mo sbyar ba byas te bcom ldan 'das shAkya thub pa la nges par rtog bzhin pa/ bzhin cung zad 'dzum pa/ byang chub sems dpa' chen po/ bde legs
260a7 dbus ma'i cod pan can/ mchod phyir thogs dkar po can/ pus mo g.yas pa'i lha nga dang / mgo 'dud pa'o/ /bcom ldan 'das shAkya thub pa'i g.yon gyi gzhogs su phyag na rdo rje pri yang ku ltar sngo bsangs sngar ji ltar bstan pa de bzhin du mngon par bri'o/ /
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po