| e-texts navigator |
| བོད་ཡིག |
255b1 ma 'dres pa'i/ /tshon rtsi kha dog gsal ba dang / /kha dog can gyi tshon blangs nas/ /ji ltar tha ga pa la ni/ /sngar gyi cho ga de nyid kyis/ /mtshan nyid yang dag ldan pa yis/ /ri mo mkhan la gong bzhin du/ /rgyas pa ru ni bya ba'o/ /ji ltar sngar bzhin tha ga
255b2 pa'i/ /cho ga de nyid kyis ni de/ /ras la ri mo bri bar bya/ /yang na rang gis ri mo bri/ /ga pur gur gum tsan+dan las/ /so phag tshon la bsgo bar bya/ /bdug pa bsregs shing sngags nyid kyis/ /lan grangs brgya rtsa brgyad bzlas nas/ /nA ga ge sar pun+nA ga/ /ba ku lA
255b3 dang tsam pa kA/ /bA ri Shi ka d+hA na sku/ /mA li ta yi me tog sogs/ /ras de la ni mngon par gtor/ /shar du mngon phyogs ku sha yi/ /khres la nyer 'dug dad pa'i blos/ /sangs rgyas byang chub sems dpa' kun/ /sems dpar gyur pas 'di phra mo/ /lag pas
255b4 blangs nas ma 'khrugs pa'i/ /sems kyis ras la ri mo bri/ /dang po re zhig /de bzhin gshegs pa shAkya thub pa bri bar bya ste rnam pa thams cad kyi mchog dang ldan pa/ skyes bu chen po'i mtshan sum cu rtsa gnyis kyis mtshan pa/ dpe byad bzang po brgyad cus nye bar mdzes
255b5 pa'i sku rin po che'i pad+ma la bzhugs pa kun nas 'od 'bar ba/ kun nas 'od 'dom gang gis nye bar mdzes pa'i sku/ chos ston par mdzad bzhin pa/ rab tu dang ba'i sku/ rnam pa thams cad kyi mchog dang ldan pa/ dbus na gnas pa'i pad+ma bai DUr+ya'i sdong po can/
255b6 'og na klu'i rgyal po sra ba gdan chen po pad+ma'i sdong bu de la 'dzin bzhin pas de bzhin gshegs pa la lta zhing lag pa g.yas pas phyag 'tshal ba/ dkar po rgyan thams cad kyis rnam par brgyan pa/ lus phyed mi'i rnam pa can gyi dga' bo dang / nye dga' bo bri bar bya'o/ /
255b7 pad+ma'i mtsho de'i khor yug tu pad+ma'i 'dab ma dang / me tog dang / cung zad kha bye ba dang rnam par kha bye ba dang / chu las skyes pa'i bya dang / nya la sogs pas mngon par khyab pa/ ma lus par bkod pa/ mdzes pa'i rnam par mngon par bri bar bya'o/ /
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po