rKTs

e-texts navigator

Volume

Page

254a₁ sgrub pa pos yang dag par sbyong bar byed pa'i sngags nyid yungs kar dkar po la brgya rtsa brgyad mngon par bsngags par byas nas phyogs bzhi rnams dang / steng dang 'og dang phyogs bral rnams su gtor bar bya'o/ /de nas tha ga pa la yungs kar
254a₂ gyis yang dag par bsnun nas phyag rgya chen pos gtsug phud lnga pa bcings te/ gtsug tor bcing ba byas na srung ba chen po byas par 'gyur ro/ /gal te ras rab yin na zheng du khru bzhi/ chur khru brgyad kyi tshad 'di tsam du tha ga pas bran par bya'o/ /'bring por
254a₃ gyur na zheng du khru do chur khru lnga nyid do/ /tha ma ni bde bar gshegs pa'i mtho gang gi tshad la chur ni sangs rgyas kyi khru gang nyid do/ /de las sangs rgyas bcom ldan 'das kyi mtho gang ni yul dbus kyi skyes bu tshad dang ldan pa'i khru gcig ste/ 'di ni bde bar gshegs
254a₄ pa'i mtho'o zhes bsgrags te tshad 'dis tshad kun du bshad do/ /'di ni phur pa'i dngos grub tu/ /skyes bu mchog gis gsungs pa yin/ /thub pa mi snang gyur 'og tu/ /rgyal srid 'dod la 'bring po ste/ /longs spyod chen po don gnyer ba'i/ /skyes bu lha dang
254a₅ lha min dang / /gdengs can tha ma grub par bshad/ /'bring la dngos grub 'bring po'o/ /ras 'bring po ni rtag pa ru/ /sems can kun gyi las rnams sgrub/ /phran tshegs las rnams bsgrub bya la/ /ras tha ma ni rtag pa ru/ /las rnams thams cad sgrub
254a₆ par byed/ /rdzas rnams kun la rtag tu ni/ /las rnams thams cad sgrub par byed/ /ras ris gsum gyis nges bstan pa'i/ /dngos grub dpal don gnyer ba'i mi/ /brgya byin bde sogs bdag po yang / /cho ga nyams na mi 'grub ste/ /cho ga yang dag
254a₇ ldan gyur na/ /mi yi skye bo phal pa la'ang / /'bad pa yis ni las rnams kun/ /myur ba nyid du 'grub par 'gyur/ /rgyal dang rgyal mchog sras rnams kyis/ /sbyor ba 'di ni yang dag bshad/ /sems can bkren pa mgon med pa/ /sdug bsngal

_{iiif viewer powered by OpenSeadragon}

253b - 254b

Texts on this page