rKTs

e-texts navigator

Volume

Page

252b₁ legs par 'tsho zhing bdag gi skye ba 'bras bu yod pa dang / sngags kyi dngos grub lhag par gnas par mdzod cig /de'i dus su rnga pa Ta ha dang / rnga bo che dang / dung dang / pi wang dang / gling bu dang / 'khar rnga dang / rnga mur dza'i sgra thos par gyur pa'am/
252b₂ rgyal rigs sam/ rgyal rigs mo'am/ bud med dam/ khye'u'am/ bu mo'am/ mi rnams glo bur du 'di skad ces/ rgyal dang / grub pa dang / dngos grub sbyin pa dang / byin pa dang / zung shig dang / dpal dang / 'bras bu dang bcas pa dang / las
252b₃ kyi 'khor lo dang / mang po zhes pa 'di lta bu la sogs pa gzhan yang dge ba'i spra rab tu 'don pa dang / dril bu'i sgra byung ba dang / dga' ba'i sgra yang rung ste/ de rnams rig pa 'dzin pas sangs rgyas bcom ldan 'das rnams dang / byang chub sems dpa' rnams kyis
252b₄ kyi byin gyis brlabs par shes par bya'o/ /gzhan du dngos grub 'bras bu med do zhes pas so/ /de'i dus su de rnams ma rungs pa'i sgra 'byin pa'am/ zung shig /zo shig /'dzin du chu gcig /nyams pa rnam par brlag pa/ kyi hud/ ring ba med pa de lta
252b₅ bu la sogs pa'i sgra 'byin par byed pa dang / mi dang / ma he dang / ce spyang dang / bong bu dang / byi la dang / dud 'gro dman pa rkang gnyis pa/ rkang bzhi pa rnams kyi sgra 'don par gyur na/ de la sgrub pa pos mchog gi dngos grub med do zhes shes par bya zhing / skye
252b₆ ba 'di nyid la kun du brtul bar bya'o/ /slar yang snga ma bzhin du byas nas brtsam par bya ste/ de lta bu lan bdun gyis mtshams med pa lnga byed pa'ang bdun pa'i las kyi sbyor bas 'grub par 'gyur ro/ /zhes so/ /de nas sgrub pa pos gzhon nu ma de la srung ba
252b₇ byas nas ku sha'i khres la nye bar 'dug tu bcug ste shar du mngon par phyogs pa'am/ byang du mngon par phyogs par bzhag nas bdag nyid tsA ru'i ston mo bza' zhing gzhon nu ma de la yang tsA ru'i ston mo bzar gzhug par bya'o/ /snga ma kho nar yongs su brtags

_{iiif viewer powered by OpenSeadragon}

252a - 253a

Texts on this page