| e-texts navigator |
| བོད་ཡིག |
252a1 lung ston par the tshom med do/ /gang yang ma 'ongs pa'i sangs rgyas 'byung bar 'gyur ro/ /'jig rten gyi 'dren pa de rnams kyang rjes su yi rang bar 'gyur ro/ /sa stengs dkyil 'khor smra ba ni/ /zhi ba'i las rnams thams cad byed/ /bkren pa rnams
252a2 kyis 'phan pa thob/ /sems can mgon med sdug bsngal can/ /rnams kyis dkyil 'khor rab sbyar bya/ /in+d+ra nI la sogs phye mas/ /dkyil 'khor yang dag kun du bri/ /in+d+ra nI la sogs med na/ /sA lu'i phye mas yang dag bri/ /sA lu'i phye ma sogs med na/ /
252a3 so phag phye ma sogs kyis bri/ /so phag phye ma sogs med na/ /bye ma rnams kyis yang dag bri/ /de ltar yon tan kun bsdus pa'i/ /sgrol ma'i dkyil 'khor rmad byung ba/ /'jig rten mgon po'i yang dag bka'/ /byang chub sems dpas gsungs pa yin zhes so/ /
252a4 byang chub sems dpa'i sde snod dang ldan pa theg pa chen po'i mdo sde bcom ldan 'das ma 'phags ma sgrol ma ral pa gyen brdzes kyi rtsa ba'i cho ga las sgrub thabs kyi cho ga dang / dkyil 'khor gyi cho ga rab 'byam gyi le'u ste gsum pa rdzogs so// //de nas sems dpa' chen
252a5 pos slar yang dkyil 'khor chen po de la kun du gzigs nas dngos po med pa'i rang bzhin yang dag par 'phags pa dgongs nas bcom ldan 'das ma rig pa'i rgyal po chen po de bzhin gshegs pa thams cad kyis gsungs shing mngon par yi rang bar gyur pa/ mchog gi
252a6 sgrub pa'i cho ga ras ris kyi cho ga gsungs so/ /dang po ra zhig dge ba'i nyi ma la dpa' bo'i rin gyis nyos pa'i ras bal blangs nas bram ze'i bu mo'i lag pas ras bal byed du gzhug par bya'o/ /de nas ras bal de la lhag par gnas par bya ste rtsa ba'i rig pa dpa' bo'i
252a7 rin gyis nyos pa'i dog pa blangs nas 'di skad ces brjod par bya'o/ /sangs rgyas dang byang chub sems dpa' dang / nyan thos dang / rang sangs rgyas thams cad lhag par gnas par mdzod cig /bcom ldan 'das dang / byang chub sems dpa' chen po rnams
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po