rKTs

e-texts navigator

Volume

Page

251b₁ g.yon du rdo rje rtse gsum gyi phyag rgya dang / gos dkar mo'i phyag rgya dang / rta mgrin dang dpal chen po'i phyag rgya'o/ /shar sgor pad ma/ byang du ut+pa la/ lho ru rdo rje/ nub tu 'jug pa'i rim pa las 'das par/ steng du 'khyil ba'i rnam pa'i zhags pa'i phyag
251b₂ rgya'o/ /de'i 'og tu phyi nas me'i bya ba byas nas sngar brjod pa'i cho gas mchod pa la sogs pa byas te/ dkyil 'khor du 'jug par bya'o/ /de la rgyal srid 'dod pas had+p+ya'i shing du'o/ /longs spyod 'dod pas rang gi khyim gyi lha'o/ /rta 'dod pas rta'i bres su'o/ /
251b₃ glang po che 'dod pas glang po che'i bres su'o/ /bu 'dod pas bo de tse'i shing gi drung du'o/ /tshangs pa'i srin pos zin pa la tshangs pas bskyangs pa ru'o/ /klus zin pa la klu shing dang nye ba ru'o/ /mkha' 'gro mas zin pa la lam bzhi mdo ru'o/ /gnod sbyin gyis
251b₄ zin pa la pa Ta'i shing gi drung du'o/ /srul pos zin pa la khron pa'i drung du'o/ /gzhan rnams kyang ji ltar 'dod pa bzhin du gang du'ang / de ru yang nyes pa med do/ /grogs po dag mdor bsdu na/ rig pa 'di ni dkyil 'khor dang / las thams cad pa ste/ las
251b₅ thams cad la rab tu sbyar bar bya'o/ /gsang chen 'di dang lhan cig rab tu sbyar bar bya ste dkyil 'khor 'di ni sems can rnams la phan par 'dod pa'i 'bras bu yod pa'o/ /longs spyod thams cad mngon par 'phel bar byed pa sgrol ma'i dkyil 'khor gyi rig pa sgrub pa
251b₆ po rnams la phan pa'i don gyi phyir 'byor pa thams cad mngon par 'phel bar byed pa ste/ mdor na phyi ma'i lus can 'byung bar 'gyur ba thams cad kyi slob dpon du gyur pa rab tu grags so/ /de nas dkyil 'khor chen por gyur pa gang thob nas dpal med pa 'joms
251b₇ par byed cing zhi bar byed/ nad dang dgra 'phrog pa de lta bu'i dkyil 'khor sems can thams cad kyi gzi brjid dang stobs sgrub par byed pa mthong zhing thos nas de nas cho ga la rab tu dang ba skye bar 'gyur ba gang yin pa de rnams sangs rgyas thams cad kyi byang chub tu bdag gis

_{iiif viewer powered by OpenSeadragon}

251a - 252a

Texts on this page