rKTs

e-texts navigator

Volume

Page

248b₁ rmongs pa'i khyad par las te/ gzhan rnams bsten par bya ba ma yin no/ /de nas rgyal po thams cad dbang bskur ba bzhin du yo byad thams cad bsags te/ slob dpon dang mkhan po mnyes par bya'o/ /de nas bla re bres te rgyal mtshan dang / ba dan dang gdugs dkar po
248b₂ mgo bor 'dzin bzhin pa dang / rnga yab dkar po g.yob bzhin pa dang / bkur sti chen pos dung dang / rnga bo che dang / rdza rnga'i dga' ba'i sgra nges par sgrogs pa dang / rgyal ba'i sgra dang / bkra shis kyi tshigs su bcad pas mngon par bsngags pa dang / bde legs kyi tshigs su bcad
248b₃ pa rgyal bas gsungs pa rnams kyis mngon par bstod bzhin pas bskor ba dang / bkra shis de byas nas sangs rgyas dang byang chub sems dpa' thams cad la phyag byas nas/ 'di skad ces brjod par bya'o/ /slob dpon sangs rgyas dang byang chub sems dpa' thams cad kyi
248b₄ sngags kyi spyod pa mngon par bsgrub pa la yang dag par rjes su 'jug pa dang / 'jig rten pa thams cad las 'das pa'i gsang chen rnam par thar pa'i dkyil 'khor du yang dag par rjes su 'jug pa dang / chos kyi rgyal srid thams cad kyis sangs rgyas nyid mngon par rtogs
248b₅ par 'dod pa dang / mdor bsdus nas brjod nas sangs rgyas nyid 'byung ba'i phyir bdag nyid spro bar bgyi'o zhes so/ /de nas ku sha'i khres la nye bar 'dug ste shar du mngon par phyogs pas dkyil 'khor mthong zhing rtogs pa la dang po re zhig rig pa'i mngon par dbang bskur ba byin
248b₆ nas phyag rgya chen po rtsa ba'i rig pa bzlas par bya'o/ /de nas rig pa dang / sngags dag gang gnas pa/ gro ga'i 'dab ma la gi wang gis bri bar bya'o/ /bris nas tsan+dan dang gur gum dag gis lag pa dag dang kham phor kha sbyar bkrus nas de nas gro ga'i 'dab ma kham phor kha
248b₇ sbyar gyi nang du bzhag par byas nas dkyil 'khor gyi nang du byang chub sems dpa' sems dpa' chen po spyan ras gzigs dbang phyug gi zhabs kyi drung du gzhag par bya'o/ /de nas der nye bar 'dug ste rig pa rtsa ba'i sngags brgya rtsa brgyad snga ma nyid du brjod par bya'o/ /de nas

_{iiif viewer powered by OpenSeadragon}

248a - 249a

Texts on this page