rKTs

e-texts navigator

Volume

Page

228b₁ len par byed pa dang / byang chub sems dpa'i tshogs dang theg pa chen po'i chos zab mo'i tshul la yang dag par rab tu 'jug pa'i tshul dang / rang gi gsang sngags dang / sngags dgug pa dang / srung ba dang / bsgrub pa'i bya ba la mkhas pa nyid dang /
228b₂ snying rje chen po dang / byams pa chen po dang / btang snyoms chen po dang / dga' ba chen po yongs su sgom par byed pa las dang / sems can gyi khams dang / chos kyi dbyings spros pa med pa'i de bzhin nyid la yang dag par 'jug pa/ gnyis su
228b₃ med pa'i rnam pa thams cad mkhyen pa'i ye shes yongs su tshol ba las dang / sems can thams cad yongs su mi gtong la theg pa dman pa la dga' ba med pa las te chos bdun po 'di rnams ni rig sngags dang gsang sngags kyi dngos grub yongs su rdzogs
228b₄ par 'gyur ro/ /chos brgyad ni rig sngags dang gsang sngags kyi spyod pa'i don gyis dngos grub yang dag par 'jug pa nyid du 'gyur te/ brgyad gang zhe na/ mthong ba dang ma mthong ba'i 'bras bu la dad pas ngo mtshar bar sems par 'dod pa nyid dang /
228b₅ byang chub sems dpa'i dad pa'i 'bras bu rdzu 'phrul dang rnam par 'phrul pa the tshom med pa las dang / phyin ci ma log pa'i gsang sngags 'dzin pa las bla ma la gus pa las dang / sangs rgyas dang byang chub sems dpa' rnams kyis rang gi sngags dang rgyu
228b₆ dang spyod pa nye bar bstan pa mi slu bar 'dzin cing bdog pa thams cad yongs su btang ba las dang / dngos grub kyi zhing gnas dang / gnas ma yin pa rmi lam du mthong ba ston pa la mkhas pa nyid dang / ser sna dang / gnyid dang / rmugs pa mtha'
228b₇ dag dang bral bar byed pa/ rtag tu brtson 'grus rtsom la sangs rgyas dang / byang chub sems dpa' thams cad la bdag nyid 'bul bar byed pa las dang / mdor bsdus na dge ba'i rtsa ba la ngoms mi shes pa'i go cha bgos te bgegs thams cad rab tu

_{iiif viewer powered by OpenSeadragon}

228a - 229a

Texts on this page