rKTs

e-texts navigator

Volume

Page

209b₁ kun nas me tog ldan zhes bya ba'i sangs rgyas kyi zhing du gyur ba der/ bde ba can zhes bya ba'i 'jig rten gyi khams gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
209b₂ gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ tshe dpag tu med pa bzhugs te/ de chos ston par mdzad pa ni/ thog mar dge ba/ bar du dge ba/ tha mar dge ba/
209b₃ don bzang po tshig 'bru bzang po ma 'dres pa/ yongs su dag pa/ yongs su byang ba'i tshangs par spyod pa/ yang dag par ston par mdzad cing de 'di ltar bzhugs te 'tsho zhing gzhes la chos kyang ston par mdzad do/ /rig sngags dang gsang sngags kyi don gyi
209b₄ spyod pa rnams dang / byang chub sems dpa'i sde snod dang / lam gsum gyi spyod pa'i rjes su 'jug pa'i lam dang / skyob pa dang / gnas dang / skyabs dang / dpung gnyen dang / bde ba dang / shin tu mthar thug pa dang / shin tu yongs su
209b₅ mthar gtugs pas sems can thams cad la ston te/ bcom ldan 'das de nyid kyi mdzad pas rjes su gnang nas bcom ldan 'das kyi zhabs drung dang / nye ba 'dir 'ongs te bcom ldan 'das de bzhin gshegs pa 'od dpag med de bcom ldan 'das la
209b₆ gnod pa chung ngam/ nyam nga ba chung ngam/ ldang ba yang ngam/ bsnyun mi mnga' 'am/ bde ba la reg par gnas sam zhes yongs su 'dri bar byed de/ 'di skad ces kyang gsung ngo / /gang rnam pa 'di lta bu'i snyigs ma'i dus gang du bcom ldan
209b₇ 'das shAkya thub pa'i sku de yang chos ston par mdzad cing rjes su rtogs par bya ba'i skye bo la lam gsum gyi byang grol dang / lha dang / mi rnams kyi skye ba rnyed par mdzad pa de ni ngo mtshar ro/ /bcom ldan 'das shAkya thub pa de'i brtson 'grus kyis gang du skal ba

_{iiif viewer powered by OpenSeadragon}

209a - 210a

Texts on this page