| e-texts navigator |
| བོད་ཡིག |
208b1 rin po che'i snang ba'i bdag po'i rgyan gsal bar byed pa zhes bya ba'i ting nge 'dzin la snyoms par zhugs par gyur to/ /byang chub sems dpa' sems dpa' chen po spyan ras gzigs dbang phyug ting nge 'dzin la snyoms par zhugs ma thag tu khang pa brtsegs pa rin po che
208b2 du mas rnam par phye ba dang / rin po che'i gdugs du mas dpag tshad brgya stong phrag tu khyab pa dang / lha'i gos dang / dar gyi rgyan gyis mdzes par spras pa dang / lha'i me tog dang / ba dan dang / rgyal mtshan dang / phreng ba dang / rin po che
208b3 g.yer kha'i dra ba bcings pa/ sgra snyan pa 'khrol ba 'jug pa dang / byang chub sems dpa' so sor gnas par byed pa/ lha'i dri dang / phreng ba dang / byug pa dang / phye ma'i char 'bebs par byed pa/ mngon par sprul te bcom ldan 'das shAkya
208b4 thub pa la mchod pa'i las ngo mtshar rmad du byung ba'i cho 'phrul byang chub sems dpa'i rnam 'phrul mthong ngo / /de nas gnas gtsang ma'i ris kyi lha'i bu de rnams dga' ba dang bcas pa spu zing zhes byed do/ /lha'i gnas thams cad rab tu g.yos pa dang ldan pa
208b5 mthong nas skrag cing / snying 'dar te 'on te 'byor pa yongs su nyams sam ci zhes phan tshun thabs su skad mthon pos smra bar rtsom zhing / 'di skad ces kyang smras so/ /bcom ldan 'das yongs su skyobs shig /shAkya thub pa yongs su
208b6 skyobs shig / de nas bcom ldan 'das kyis thams cad dang ldan pa'i lha'i 'khor la bka' stsal to/ /ma 'jigs shig /ma 'jigs shig /'di ni byang chub sems dpa' sems dpa' chen po spyan ras gzigs dbang phyug de bzhin gshegs
208b7 pa tshe dpag med kyi sangs rgyas kyi zhing kun nas me tog can lta bu nas nga nyid lta ba dang phyag 'tshal zhing bsnyen bkur bar 'dod de/ don chen po spyod pa dang / rig sngags kyi tshig dang / chos kyi tshig rmad du byung ba yang nges par bstan pa'i phyir 'ongs so/ /
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po