| e-texts navigator |
| བོད་ཡིག |
167a1 mdangs phyung nas klu'i rgyal po ba ru Na sbrul dkar po gcig tu byas nas phyag 'tshal/ bskor ba lan gsum byas te/ byang chub sems dpa' snying rje can/ /khyod la bdag ni skyabs su mchi/ /klu rnams kun gyi mgon mdzod cig /nyams na klu yi gshed ma mdzod/ /
167a2 ces smras nas tri shU la la lan gsum dkris kha byang chub sems dpa' la bsgyur phuHphuHzhes brjod cing gus pas kha nas khrag 'byin cing gnas so/ /klu'i rgyal po gzhan rnams kyang thal mo sbyar nas/ bskor ba lan gsum gsum byas nas/ /byang chub sems dpa' snying rje can/ /
167a3 khyod la bdag cag skyabs su mchi'o/ /klu rnams thams cad skyabs su zung / /nyams na klu yi gshed ma mdzod/ /ces smras nas klu chen po brgyad sbrul dkar po gcig tu byas nas tshangs skud la 'khris so/ /klu'i rgyal po de rnams kyang bdag cag ni bran bgyid do/ /ci bka'
167a4 stsal pa nyan no zhes smras nas klu rnams so so'i gnas su dengs so/ /'jam dpal byang chub sems dpa' de ni snying rje klu 'dul zhes bya'o/ /snying nad sel ba zhes bya ba'o/ /'jam dpal de ltar sngon gyi byang chub sems dpa' shes rab chen po de 'jam dpal smra ba'i seng ge khyod nyid yin no/ /
167a5 de'i dus kyi byang chub sems dpa' snying rje mchog de ni da lta'i 'phags pa spyan ras gzigs dbang phyug seng ge sgra klu'i ded dpon chen po 'di nyid yin no/ /'jam dpal ngas rgyal po chen po de'i don du thugs rje chen po'i sngags brjod par bya'o/ /yid la zung shig /na mo rat+na tra yA ya/ na ma
167a6 Ar+yA ba lo ki te shwa rA ya/ bo d+hi sa twA ya/ ma hA sa dwA ya/ ma hA kA ru Ni kA ya/ tad+ya thA/ oM a ka Te bi ka Te/ ni ka Te/ ka TaM ka Te ka ro Te/ tsi ti dz+wa la ka ro ti bI ra ye swA hA/ gzungs 'di ni sangs rgyas bye ba phrag brgyad cus gsungs la/ da lta rang nyid kyis brjod pa'o/ /'di'i
167a7 cho ga ni mi dgos pas las thams cad 'grub pa'o/ /bcom ldan 'das spyan ras gzigs dbang phyug seng ge sgra'i sku lugs ma'am bris sku'i spyan sngar ba'i lci ba sa la ma lhung bas so sor ma 'dres par maN+Dal brgyad byas te/ maN+Dal re re la me tog tshom bu lnga lnga bkram ste/ me tog dang /
iiif viewer powered by OpenSeadragon
Texts on this page
D703 - 'phags pa spyan ras gzigs dbang phyug seng ge sgra'i gzungs zhes bya ba