rKTs

e-texts navigator

Volume

Page

162b₁ gyi/ /thang phrom dag la sngags btab ste/ /me yi phyogs su gtor bar bya/ /o~M bai ro tsa na pra b+hA dz+wa la dz+wa la/ sa ra sa ra/ ka ra ka ra swA hA/ rnam par snang mdzad skur bsgoms te/ /me la gtor nas sa yis gsod/ /chu bo dag gis 'jigs pa la/ /mdze can pho mo'i thod
162b₂ par ni/ /ra dang khyi dang phag gi khrag /sa bdag sde brgyad gzugs dang bcas/ /nang du bcug ste chu bor dor/ /don yod grub pa'i sku ru bsgom/ /o~M a mo g+ha sid d+hi/ o~M ka bai tA ra Ni sa ra sa ra/ ka ra ka ra swA hA/ phyag stong spyan yang de bzhin te/ /thugs rje chen
162b₃ po'i sku mchog ni/ /so sor gsal zhing bsgom par bya/ /so so'i dbu la so sor bsam/ /byams pas kun la rab tu lta/ /'jigs pa kun las grol bar 'gyur/ /'jigs pa kun las yongs su bsrung ba'i le'u ste drug pa'o// //sku gdung me tog dkar
162b₄ pos mchod/ /sa gzhi dri yis chag chag gdab/ /snying po gzugs dang bcas pa 'am/ /khru gang tshad kyi mchod rten la/ /legs par mchod cing bstod par bya/ /stong nyid ye shes las byung ba'i/ /thugs rje'i gzugs kyi rten du shar/ /rdzu 'phrul tshad med bzhi dang ldan/ /
162b₅ byang chub phyogs rnams yongs su rdzogs/ /dri med dung 'dra dkar po ste/ /rgyal chen bzhi yang de bzhin no/ /byang chub chen po'i mchod rten ni/ /khri 'phang bcu gsum tog dang ldan/ /lha yi rol mo char du 'bab/ /chos sgra rgyun mi 'chad pa'i gter/ /rin chen lnga yi bdag
162b₆ nyid de/ /phur bus gdab cing yongs su gzung / /sangs rgyas kun gyi byin rlabs che/ /de yi bsod nams bstan pa ni/ /mtshams med lnga dang mi dge bcu/ /nyon mongs dbang gyur sdig pa rnams/ /skad cig tsam gyis dag par 'gyur/ /shin tu gtsang ba'i gnas dag
162b₇ ni/ /byams dang snying rje can gyis bya/ /bram ze'i rigs las byung ba yi/ /'dri mkhan snying rje can gyis bya/ /rang bsam lhag par gnas pa yis/ /mdun du bdar te mchod pa bya/ /tshad dang kha dog yongs dag gsal/ /yid du 'ong ba dag la'o/ /zas dag

_{iiif viewer powered by OpenSeadragon}

162a - 163a

Texts on this page