| e-texts navigator |
| བོད་ཡིག |
158a1 pas 'gro don mdzad/ /chu shel mdog 'dra zhal gsum dkar/ /ljang gu'i mdog can nag po che/ /ser po de bzhin bcom ldan dmar/ /drang srong rtag tu brgyan/ /zhi ba 'dzum dang bzhad pa dang / /khros pa'i zhal mnga' spyan gsum mdzes/ /bcu
158a2 pa sems dpa'i rtags can de/ /bcu gcig bcom ldan 'das kyi bdag /yon tan nor bu mu tig phreng / /phrin las sna tshogs smad dkris pa/ /dang po'i phyag ni thal sbyar te/ /g.yas pa rin chen phreng ba 'dzin/ /g.yon pa dri med pad+ma 'dzin/ /g.yas pa mchog sbyin
158a3 mdzad pa po/ /g.yon pa ril ba spyi blugs te/ /g.yas pa 'khor lo rab tu 'dzin/ /g.yon pa na ni mda' gzhu ste/ /lhag ma mchog sbyin spyan ldan pa'o/ /de nas yang bcom ldan 'das kyis 'dzum pa mdzad de/ cod pan gnyis nas 'od zer rab tu 'phros pa dang / bcom ldan
158a4 'das la sangs rgyas thams cad kyi byin gyis brlabs las byung ba'i pad+ma'i steng du rigs lnga byung ba 'di lta ste/ rnam par snang mdzad dang / rin chen 'byung ldan dang / snang ba mtha' yas dang / don yod grub pa dang / mi bskyod pa'o/ /khang bu brtsegs pa rin po che de'i nang du
158a5 seng ge dang / rta dang / rma bya dang / nam mkha' lding dang / glang po che de dag ni cod pan las byung ba'o/ /yang yum ni sku mdog sngon mo ste/ /pad+ma las byung pad+ma'i steng / /tshad med bzhi ste phyag bzhi mdzes/ /sems dpa'i rgyan du ldan pa yi/ /mnyam pa yi ni skyil
158a6 krung bcas/ /yab ni sku mdog ser po ste/ /pad+ma las byung pad+ma'i steng / /thal sbyar nor bu bgrang phreng 'dzin/ /rgyan rnams yongs su 'dzin pa'o/ /yang na 'od zer rab bkye ste/ /zla ba nyi ma las byung ba'i/ /nyi ma'i mdog can nyi ma ni/ /gzhon nu ut+pal mchog
158a7 sbyin mdzad/ /zla ba las skyes nam mkha'i mdog /cung zhig khros pa rdo rje can/ /dkar po gangs ltar dkar ba ste/ /nyi zla'i steng na pad+ma 'dzin/ /drag po gnyis dang hrIHyig las/ /gnyis med tshul gyis 'bras bu rdzogs/ /ha ya gri ba khams gsum sdud/ /khro
iiif viewer powered by OpenSeadragon
Texts on this page
D701 - pad+ma cod pan zhes bya ba'i rgyud