rKTs

e-texts navigator

Volume

Page

147a₁ ba de dag ci bgyi'o 'tshal mi 'byor cing rang nyid skyabs su mchi bar 'gyur lags so/ /gzhan yang gang la la zhig legs pa'i dngos po grub par 'tshal na/ tshon sna lnga'i skud pa la sngags mdud brgya rtsa brgyad mdud de/ sngags lan re bzla zhing mdud pa
147a₂ re re mdud nas/ gzhan yang gzugs bgyis pa'i mdun du sngags lan bdun gyis btab ste/ byams pa dang snying rje dang ldan pa'i gdong gi spyi bo la btags nas zhag lon te slar bkrol nas bdag nyid kyi lus la btags na smon pa rnams yid bzhin du 'grub par 'gyur lags
147a₃ so/ /gzhan yang gang la la zhig sgrib pa'i bgegs dang ldan pas/ legs pa'i dngos po rnams phal cher smon pa yid bzhin du grub par ma gyur tam/ bkra mi shis pa'i dngos po dag dus dus su rgyu ma mchis par langs par gyur na spos chab kyis gzugs bgyis pa de bkru
147a₄ bar bgyi'o/ /gzhan yang chab la lan brgya rtsa brgyad sngags kyis btab ste bi nA ya ka'i gzugs bkru bar bgyi'o/ /gzhan yang chab la lan brgya rtsa brgyad sngags kyis btab ste rang nyid kyi lus la gtor na/ sgrib pa dang bgegs thams cad rang gi ngang gis zhu byang nas/
147a₅ smon pa rnams yid bzhin du 'grub par 'gyur lags so/ /de'i tshe byang chub sems dpa' sems dpa' chen po spyan ras gzigs dbang phyug gis de skad ces smras pa dang / 'khor mang po thams cad kyis mthun par skyes bu chen po legs so legs so/ /sems can thams
147a₆ cad la phan par 'dod pa'i phyir rig sngags 'di smras pas/ bdag cag kyang rjes su yi rang zhing yongs su 'dzin par smon to zhes bsngags pa brjod par gyur to/ /de nas 'khor mang po thams cad dga' mgu rangs par gyur te/ bcom ldan 'das la lan gsum bskor ba byas nas
147a₇ phyag byas te gyes par gyur to/ /'phags pa spyan ras gzigs dbang phyug zhal bcu gcig pa zhes bya ba'i gzungs rdzogs so// //zhu chen gyi mkhan po lo ts+tsha ba/ bcom ldan 'das kyi ring lugs pa ban+de chos grub kyis rgya'i dpe las bsgyur cing zhus te gtan la phab pa//

_{iiif viewer powered by OpenSeadragon}

146b - 147b

Texts on this page