| e-texts navigator |
| བོད་ཡིག |
279b1 ba'am/ brdeg pa'am/ bsdigs pa'am/ mi snyan par brjod pa'am/ mdor bsdu na bcom ldan 'das lus kyi na tsha'am/ sems kyi sdug bsngal lam/ rmi lam ngan pa mthong bas de'i las yongs su dag cing zad par 'gyur ro/ /sngar nyid nas dag pa'i
279b2 sems dad cing lhag par mos pa rnams shin tu yongs su byang bar 'gyur ro/ /gal te bcom ldan 'das 'khor bzhi po dang / rigs bzhi pos ji snyed du bdag la sgyu dang g.yos kyang / mchod par byed/ gang 'dir don yod zhags pa'i snying po nyan par byed pa dang / don
279b3 'dzin par byed pa/ 'chang bar byed pa/ klog par byed pa/ 'dri bar byed pa/ 'drir 'jug par byed pa/ kun chub par byed pa/ sems can gzhan rnams nyan du 'jug par byed pa'am/ tha na dud 'gro'i skye gnas su gtogs pa'i rna bug tu gtugs te zlos par
279b4 byed/ sngags kyi tshig 'di sems par byed pa dang / dor ba med pa/ gzugs med pa/ rnam par mi rtog pa/ yang dag par 'byung ba med pa/ yun ring du 'byung ba med pa/ sgyu med pa/ gos pa med pa/ mnyam pa'i sems g.yeng ba med pa/ phung po lnga dang bral ba'i
279b5 sbyor ba 'dis ni sangs rgyas rjes su dran par bya'o/ /de dag la phyogs bcu'i sangs rgyas brgya stong gis zhal ston par 'gyur ro/ /khyed kyis bzlas pas sdig pa bshags par 'gyur ro/ /ji snyed po tir bri ba byas nas khyim du bzhugs su gsol bar bya'o/ /bcom
279b6 ldan 'das mang pos ci bya ste/ phan tshun 'gran pas nyan pa'am/ rje dpon gyis 'jigs pas sam/ gzhan gyi rjes su 'jug pas sam/ gzhan smad par bya ba'i ched du nyan pa ni 'phags pa spyan ras gzigs dbang phyug gi byin gyis brlabs su mkhas pas
279b7 shes par bya'o/ /de dag gi rna bug tu de'i sgra grags par 'gyur ro/ /bcom ldan 'das 'di lta ste/ gang la la'i skyes bus tsan+dan nam/ ga bur ram/ gur gum mam/ gla rtsi gnur zhing brgyad cing rngo ba'am/ sa la gzhibs nas bdag nyid la byugs na/ de la
iiif viewer powered by OpenSeadragon
Texts on this page
D682 - 'phags pa don yod zhags pa'i snying po zhes bya ba theg pa chen po'i mdo