| e-texts navigator |
| བོད་ཡིག |
227b1 ldan khrel yod ngo tsha shes/ /blo bzang brtson ldan snying rje che/ /mdog dkar ngang bzang gsong por smra/ /sems 'jam lus ngag dal bar spyod/ /bla ma la gus brtul zhugs che/ /sred pa chung zhing sbyin la dga'/ /sangs rgyas gus shing sems bcas pas/ /nyin mtshan
227b2 rgyun du rig sngags 'don/ /bcu bzhi 'am ni bco lnga dang / /khyad par du ni tshes brgyad la/ /gso sbyong sku yi mdun du blang / /skyon med tsan+dan dkar sogs shing / /rigs bzang las byas sku gzugs sam/ /yang na sa rdo rin chen sogs/ /bzang las bde bar gshegs
227b3 gzugs bya/ /yang na ris su bris kyang rung / /sku gcig po 'am lha tshogs kyi/ /dkyil 'khor rgyas par byas pa la/ /mngon sum bzhin du dmigs byas na/ /myur du mngon sum mthong bar 'gyur/ /yon tan kun gyis brgyan pa yi/ /bum pa chu dang bcas pa
227b4 la/ /sngags brjod pas ni 'dod don kun/ /'grub 'gyur the tshom mi bya'o/ /nad dang 'phrod pa'i sman rnams la/ /sngags bzlas bza' 'am byugs pas sam/ /bdugs pa tsam yang gnod pa sel/ /srad bu 'am ni gos dag dang / /phyag rgyas gdags kyang de bzhin
227b5 no/ /'dod pa gang dang gang la yang / /me yi las kyi sbyor ba bya/ /gsang sngags 'dod 'dzin yid byed pa/ /bdag kyang rjes su 'jug par bya/ /de skad gsungs pa'i de ma thag /byang chub sems dpa' 'jam dbyangs kyis/ /sngags kyi ngo bo nyid la ni/ /ched du brjod
227b6 pa 'di brjod do/ /e ma rang bzhin med pa'i chos/ /sna tshogs gzugs su snang ba la/ /brjod rtog bral ba'i skad cig ni/ /zhi ba'i che ba nyid yin no/ /srid pa dngos po med pa la/ /dmigs par byed pa bsgom pa'o/ /dmigs pa mthar thug med mthong ba/ /de
227b7 ni bsgom pa'i 'bras bu'o/ /kun tu bzang pos gsang sngags kyi/ /don la ched du 'di ltar brjod/ /e ma sku gsum tha dad par/ /lus ngag yid kyi don las byung / /don gcig pa yi rnal 'byor gyis/ /sku gcig tu ni nges par gzung / /gang la gang
iiif viewer powered by OpenSeadragon
Texts on this page
D681 - 'phags pa spyan ras gzigs dbang phyug gi rtsa ba'i rgyud kyi rgyal po pad ma dra ba zhes bya ba