rKTs

e-texts navigator

Volume

Page

211b₁ ces bstod do rdzogs so// @##/ /oM badzra A yu she hU~M a/ 'phags pa tshe dpag med kyi snying po 'di rtag tu bzlas sam/ sngags chab kyis dbang bskur na tshe nur bar 'gyur ro/ /oM pu N+ye pu n+ye ma hA pu n+ye/ a pa ri mi twa A yur pu n+ya
211b₂ dz+nyA na sa~M b+ha ro pa tsi te swA hA/ @##/ /rgya gar skad du/ Ar+ya a pa ri mi ta A yur dz+nyA na nA ma ma hA yA na sU tra/ bod skad du/ 'phags pa tshe dang ye shes dpag tu med pa zhes bya ba theg pa chen po'i mdo/ /sangs rgyas dang byang chub sems dpa' thams cad la
211b₃ phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na/ /dge slong brgya phrag phyed dang bcu gsum gyi dge slong gi dge 'dun chen po dang / byang chub sems dpa'
211b₄ sems dpa' chen po rab tu mang po dang thabs cig tu bzhugs so/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal steng gi phyogs na 'jig rten gyi khams yon tan dpag tu med pa la sogs pa zhes bya ba zhig yod de/ de na de
211b₅ bzhin gshegs pa dgra bcom pa yang dag par rdzogs pa'i sangs rgyas tshe dang ye shes dpag tu med pa shin tu rnam par nges pa'i gzi brjid kyi rgyal po zhes bya ba bzhugs te tshe 'dzin cing mthar phyin par gzhes te sems can rnams la chos kyang ston to/ /'jam dpal gzhon
211b₆ nur gyur pa nyon cig / 'dzam bu'i gling 'di'i mi rnams ni tshe thung ba las tshe lo brgya thub pa sha stag ste/ de dag las kyang phal cher dus ma yin par 'chi bar bstan to/ /'jam dpal sems can gang dag de bzhin gshegs pa tshe dpag tu med pa de'i yon tan dang bsngags pa
211b₇ yongs su brjod pa zhes bya ba'i chos kyi rnam grangs 'di yi ger 'dri'am yi ger 'drir 'jug gam/ ming tsam yang nyan tam klog pa nas glegs bam la bris te khyim na 'chang bar byed dam/ me tog dang / bdug pa dang / spos dang / phreng ba rnams kyis mchod par 'gyur ba de dag gi

_{iiif viewer powered by OpenSeadragon}

211a - 212a

Texts on this page