| e-texts navigator |
| བོད་ཡིག |
201b1 de nas yang dag nges gsungs pa/ /e ma 'khor 'dus ngo mtshar can/ /ma 'ongs dam can sgrub byed na/ /dam tshig la gnas sdom pa gzung / /gtor ma dag la brtson par bya/ /dam rdzas bla rdo lus la bsrel/ /zhes gsungs pas rgyal po mig
201b2 mi bzang la sogs pa'i 'khor rnams yi rangs nas/ nag po chen pos bstan pa srung bar khas blangs nas mi snang bar gyur to/ /dpal nag po chen po'i rgyud las le'u brgyad pa rdzogs so// //rgya gar gyi mkhan po a mo g+ha badzra dang / bod kyi
201b3 lo ts+tsha ba phur bu 'od kyis bsgyur ba'o/ / @##/ /rgya gar skad du/ /shrI ma hA kA la nA ma d+hA ra NI/ bod skad du/ dpal mgon po nag po zhes bya ba'i gzungs/ /sangs rgyas dang byang chub sems dpa'
201b4 thams cad la phyag 'tshal lo/ /'di skad bdag gis thos pa dus gcig na/ bcom ldan 'das rdo rje'i gdan la bdud btul te mngon par rdzogs par sangs rgyas nas ring po ma lon pa zhig na byang chub kyi shing drung la bzhugs so/ /bcom ldan 'das ga
201b5 la ba de logs su lha'i sde dpon chen po tshogs kyi bdag po ma hA kA la 'dod pa'i khams kyi dbang phyug la dbang skur ba dpal mgon po nag po chen pos/ bcom ldan 'das kyi zhabs la mgo bos phyag 'tshal te/ phyogs gcig tu 'dug nas 'di skad
201b6 ces gsol to/ /btsun pa bcom ldan 'das bdag gi rig pa 'bul gyis bzhes su gsol/ /oM shrI ma hA kA la ga Na gu ti swA hA/ na maHshrI ma hA kA la ga Ne gu ti shA ya/ na mo yo gi na NI na/ tad+ya thA/ oM hi li hi le/ ki te ki te ni/ tsi de tsi de ni swA hA/ 'di bton
201b7 pas nad thams cad dang / rims thams cad dang / gdon thams cad dang / mi ngas thams cad dang / 'byung po thams cad dang / nyes par bgoms pa thams cad dang / nyes par bltas pa rnams steng du gzhan 'phrul dbang byed la thug pa man chad bcing ngo / /
iiif viewer powered by OpenSeadragon
Texts on this page
D667 - dpal nag po chen po'i rgyud
D668 - dpal mgon po nag po zhes bya ba'i gzungs