| e-texts navigator |
| བོད་ཡིག |
200a1 srog sngags bri bar bya/ /ldo yi nang du bla rdos dril/ /spos dang rgyun gtor gtang bar bya/ /dkon mchog spyi la mchod pa bsham/ /de nas pad+mar bdag bsgoms la/ /thugs ka'i hrIHlas 'od 'phros pas/ /bla ma sangs rgyas la sogs pa/ /
200a2 rang gi mdun du bsam byas la/ /mchod pa rnam lnga dbul bar bya/ /rnam dag bdun gyi 'og tu ni/ /tshad med bzhi po bsgom par bya/ /btang snyoms la sogs pa~M ra~M tri/ /pad stengs yi ge hUM las ni/ /nag po zhal gcig phyag drug pa/ /gri gug phreng ba DA ma ru/ /
200a3 thod pa mdung dang zhags pa bsnams/ /g.yas g.yon rim pas bsnams pa'o/ /sbrul dang rin chen rgyan gyis brgyan/ /sku smad ba ti khra bo gsol/ /stag lpags zhing gi sham thabs can/ /gtum po spyan gsum mche ba gtsigs/ /dpral bar
200a4 dri yi thig les brgyan/ /spyi gtsug mi bskyod sprul sku brtan/ /de ltar bdag mdun gsal bsgoms nas/ /spyan drangs mchod dang bzlas pa bya/ /gtor ma pU dza la sogs pas/ /nag po che la sbyin par bya/ /mgon po'i thugs ka'i hU~M las ni/ /srog gi yi
200a5 ges g.yas nas bskor/ /khor yug dag gis bzlas par bya/ /oM badzra ma hA kA la k+ShiM k+She tra big+h+nAn bi nA ya ka hU~M hU~M phaT/ de skad ces ni rab brjod pas/ /nag po grub pa'i rtags rnams 'byung / /dpal nag po chen po'i rgyud las bsnyen cing bsgrub pa'i le'u
200a6 ste gnyis pa'o/ / //de nas yang dag bshad bya ba/ /sangs rgyas bstan pa bshig pa dang / /rnal 'byor bar chad byed pa rnams/ /nag po chen pos bsgral 'dod na/ /stegs bu gru bzhi byas nas kyang / /drag po e yi nang du ni/ /pho mo rabs chad
200a7 thod pa'i nang / /gzugs ni spra tshil dag la bya/ /ming rus dag ni bkod nas kyang / /bsad dang na ba skabs dang sbyar/ /mgon po'i sku dang dam rdzas rnams/ /kha dang kha la dgod par bya/ /phag thod nang du thun rdzas blugs/ /rta gtor rgyun gtor
iiif viewer powered by OpenSeadragon
Texts on this page
D667 - dpal nag po chen po'i rgyud