| e-texts navigator |
| བོད་ཡིག |
195a1 pas byas te legs par bya/ /rin po che yi snod du gzhug /dkar chen mngon par gsal ba'i tshe/ /nang gi cha ris sku khrus gsol/ /gsal zhing dang sa la yid du 'ong / /dri dang ldan pa'i bum pa yi/ /me tog dkar po'i dri yi ni/ /'dag
195a2 chal ldan pas khrus bya'o/ /de nas de ma thag tu ni/ /dkyil 'khor dbus su spyan drangs la/ /me tog dkar po dbul bar bya/ /la phug la dur bcas pa yi/ /gtor ma chen po'ang de nas dbul/ /spos dang dri dang mar me dang / /lha bshos dag gis mchod
195a3 par bya/ /gsang sngags 'di la phug dang / /la du dang / chu dang / dkar gsum gyi gtor mas tshogs kyi bdag po la phul te/ spos dang me tog rnams kyang dbul/ de ltar byas na phyis bgegs byed par mi nus so/ /tshogs kyi bdag po mchod pa'i le'u ste brgyad
195a4 pa'o/ / //de nas la phug ces bya ba/ /ro brgyad ldan pa'i yungs ma ste/ /zas rnams kun gyi mchog kyang yin/ /ro mchog brgyad dang ldan pa yin/ /kha dang skyur dang bska ba dang / /mngar dang tsha dang lan tshwa'i ro/ /bzhun dang bro mchog che ba yin/ /nad sna
195a5 brgyad kyi gnyen po yin/ /mkhris pa bad kan 'dus pa dang / /khrag dang chu ser ma zhu ba/ /rlung dang rims nad kun la phan/ /'di 'dra byung ba'i kha zas med/ /lha rnams kun gyi mchu yang 'gul/ /dngos grub 'grub pa'i zhal zas yin/ /tshogs kyi
195a6 bdag po mchod par bya/ /la du zhes bya'i zhal zas ni/ /mngar gsum 'bras bu gsum pa ni/ /de bzhin zhim pa'i spos kyis bran/ /bag zan gyi ni ril bu bya/ /'o ma mar du btsos byas la/ /tshogs pa'i gtor ma chen po bya/ /mar dang khur ba mngar gsum
195a7 dang / /mthun pa'i zhal zas sna tshogs kyis/ /tshogs bdag chen po mchod par bya/ /de ltar tshogs kyi bdag po la'o/ /tshogs kyi bdag po'i sku gzugs lag pa g.yas pa'i mthil du bzhugs la/ sems gzhan du ma yengs par bzlas brjod 'bum byas
iiif viewer powered by OpenSeadragon
Texts on this page
D666 - tshogs kyi bdag po chen po'i rgyud ces bya ba