| e-texts navigator |
| བོད་ཡིག |
193b1 maN+Dal gru bzhir bzhag / zla ba drug tu mchod par bya/ /lha yi 'khor los sgyur ba dang / /tshe 'di nyid la skal ba mnyam/ /bsod nams chen po thob par 'gyur/ /longs spyod lha dang mnyam pa dang / /tshe yang ring ba'i mchog tu 'gyur/ /mi la sogs pa dbang du 'gyur/ /
193b2 lha yi bu yang bran bzhin 'gyur/ /bdag gi bsgo ba nyan par 'gyur/ /klu yang de yi bsgo ba nyan/ /bran bzhin las rnams byed par 'gyur/ /lha yi longs spyod mnga' ris las/ /'dod pa'i longs spyod 'byung bar 'gyur/ /dngos grub sgrub pa'i skal ba can/ /
193b3 gdul bya'i dbang gi sku sprul pa/ /lha chen tshogs bdag chen pos bya/ /dngos grub dam pa mchog sgrub na/ /mthu stobs phun sum tshogs ldan zhing / /longs spyod yid bzhin 'phel bar byed/ /'jig rten phan mdzad lha yi lha/ /gang gis mchod pa dngos grub
193b4 yin/ /lha chen tshogs kyi bdag po'i rgyud las dngos grub 'byung ba zhes bya ba'i le'u ste dang po'o// //de nas dben pa'i gnas su ni/ /dkyil 'khor gru bzhi dag bya ste/ /ba yi lci bas legs par byug /'jam zhing mnyen la dbus mtho ba'i/ /
193b5 dbus su tshogs bdag sku gzugs bzhugs/ /me tog dkar pos de la gtor/ /bdag nyid gcer bur byung byas te/ /log 'dren gzugs kyis yang dag mchod/ /ba ra ta ka zla ba drug /nyin re bzhin du dus gsum du/ /gsang sngags brgya ni rtsa brgyad bzlas/ /
193b6 yid la re ba thams cad rdzogs/ /bsam pa thams cad 'grub par 'gyur/ /oM ni bkra shis dpal dang ldan/ /gsang sngags mgo la gzhag par bya/ /yid bzhin nor bu lta bu yi/ /dngos grub ster byed yi ge yang / /de 'og gral la gzhag par bya/ /nyi ma
193b7 lta bu'i yi ge yang / /de yi rjes la bklag par bya/ /de bzhin gshegs pa'i mtshan dang po/ /yi ge mchog ni blang bar bya/ /gsal byed yi ge dang po yang / /de yi mjug tu brjod par bya/ /rin chen yi ge swA zhes bya/ /las kyi yi ge hA zhes bya/ /dngos grub 'dod
iiif viewer powered by OpenSeadragon
Texts on this page
D666 - tshogs kyi bdag po chen po'i rgyud ces bya ba