| e-texts navigator |
| བོད་ཡིག |
130b1 'das ga la ba der song ngo / /bcom ldan 'das kyi spyan sngar phyin nas lus smad lnga sa la gtugs te/ bcom ldan 'das kyi zhabs la spyi bos phyag 'tshal nas/ lus 'dar bzhin du sdug bsngal gyis gdungs pa'i dpung gnyen mdzad du gsol zhes bcom ldan
130b2 'das la 'di skad ces gsol to/ /bdag bas mtha' zhig na chos yid la bgyid cing mchis pa las/ kha nas me 'bar ba zhes bgyi ba de bdag la 'di skad mchi'o/ /khyod da ste zhag bdun na nges par tshe'i dus byas te kyi khams su skye bar
130b3 'gyur ro zhes mchi'o/ /bdag gis de la thabs ci bgyis na yi dwags kyi sdug bsngal de las yongs su thar bar 'gyur zhes dris na/ des bdag la khyod kyis gang gA'i klung gi bye ma khrag khrig brgya stong snyed la gtor ma byin te/ bram ze dang drang srong la
130b4 sogs pa brgya stong snyed la zhal zas mchog dam pa phul na tshe ring bar 'gyur zhes mchi na/ bcom ldan 'das bdag gis ji lta bur dang drang srong la sogs pa de snyed kyi kha zas 'byor par 'gyur/ de nas bcom ldan 'das kyis dga' bo la bka' stsal pa/ khyod
130b5 'jigs par ma byed cig khyod kyis gang gA'i klung gi bye ma khrag khrig brgya stong snyed dang / bram ze dang drang srong la sogs pa la kha zas dang / gtor ma mang po 'byor pa'i thabs nga la yod kyis yid blong bar ma byed cig /de nas bcom ldan 'das kyis
130b6 dga' bo la bka' stsal pa/ nga la gzungs sngags gzi brjid tshad med pa'i dbang du gyur pa'i 'od zer rnam par rgyal ba'i shugs zhes bya ba yod de/ gang zhig gis gzungs 'di brjod na gang gA'i klung gi bye ma khrag khrig brgya stong snyed dang / bram ze
130b7 dang drang srong la sogs te mang po'i kha zas dang gtor ma mchog dam par 'gyur te/ de dag la sogs pa gcig kyang kha zas yul dbus 'gyur tshal gyi bre tshad mas bcal ba'i bre bdun bdun snyed thob par 'gyur ro/ /dga' bo nga yang bram zer gyur pa na byang
iiif viewer powered by OpenSeadragon
Texts on this page
D646 - yi dwags kha nas me 'bar ba la skyabs mdzad pa zhes bya ba'i gzungs