| e-texts navigator |
| བོད་ཡིག |
285b1 bar drug dang ldan/ /mi mgo phreng ba rnams/ /se ral kha yi thabs su thogs/ /g.yon brkyang ba yi tshul du bzhugs/ /na bzar stag lpags gsol bar dgyes/ /de lta bu yi sku gzugs dag /snga ma'i tshul du yongs rdzogs par/ /ci skad
285b2 gsungs pa'i khro bo 'di/ /sngags pas bzo bo byed du gzhug /yang na shing gi snying po las/ /khro bo gtso bo'i sku gzugs dag /ci skad gsungs pa'i mtshan nyid bzhin/ /byas nas rtag tu mchod par bya/ /de nas shing las byas pa yi/ /sku gzugs tshul
285b3 bzhin bshad par bya/ /gtsang ma 'dod pa kun ster ba/ /de yang de bzhin sbyar bar bya/ /rig 'dzin kun gyi mchog 'dod na/ /tsan+dan shing las byas pa yi/ /sku gzugs sor grangs nyi shu'i tshad/ /sngags pa dag gis byed du gzhug /tsan+dan dmar po'i
285b4 shing dag las/ /sor ni bcu drug tshad dag tu/ /'dod pa thams cad kun ster ba'i/ /sku gzugs legs par byed du gzhug /ra dza arga'i rtsa ba las/ /byas pa 'dod pa'i don rnams ster/ /sor grangs bcu bzhi'i tshad du shis/ /bde dang phun sum tshogs
285b5 kun 'byung / /a sho ka yi snying po las/ /bzo bo mkhas pas legs par byas/ /sar pa sor lnga'i tshad du gsungs/ /'di ni dbang du byed par bshad/ /de bzhin ta la'i shing dag las/ /sor drug par ni byas na yang / /lha dang lha min bdag po dang / /de bzhin
285b6 klu rnams 'gugs par byed/ /nA ga ge sar shing dag las/ /de bzhin sor bdun tshad du bya/ /nad rnams 'jig par bya ba dang / /dgra rnams rmongs pa'i phyir bshad pa'o/ /mi thod dag las byas pa ni/ /rtag tu sor grangs bcu gnyis shis/ /ring por mi thogs
285b7 mchog ster cing / /'dod pa'i dngos grub rab tu ster/ /mi thod las ni byas pa dag /sngar bsnyen la sogs ma byas par/ /mchod pa 'ba' zhig byas pas kyang / /dgos pa'i don rnams sgrub par byed/ /sku gzugs bzang po'i mtshan nyid dag /rgyas par bshad pa 'di
iiif viewer powered by OpenSeadragon
Texts on this page
D604 - khro bo rnam par rgyal ba'i rtog pa gsang ba'i rgyud