rKTs

e-texts navigator

Volume

Page

283b₁ gis ni nam mkha' las/ /rdzu 'phrul che dang ldan pa dang / /zhags pa des ni drangs nas su/ /'dod pa'i mchog ni rab tu dbul/ /gnod sbyin bu mo'am dri za mo/ /yang na lha yi bu mo dag /bdag gi drung du skad cig gis/ /zhags pa des ni drangs nas su/ /de nas
283b₂ rig pa 'dzin mchog gis/ /yid du 'ong ba'i las rnams byed/ /gal te bsgrubs na dman pa dag /'dod pas gdungs par gyur pa ni/ /de tshe zhags pa de nyid kyis/ /lha yi ngo bo bkug nas ni/ /dogs pa med par bsten par bya/ /'dod pas gdungs kyang
283b₃ bud med min/ /dga' dang mya ngan gyis gdungs na/ /nad dang gtso bos sma phab pa/ /gcin dang rdul dang dri ma can/ /mi yi bud med rtag tu spang / /gal te 'dod pas gdungs gyur na/ /lha yi bud med bsten par bya/ /'on te sems dpa' chen po de/ /de tshe
283b₄ brtse ldan ma yin na/ /lha yi dbang phyug dge ba dang / /gnod sbyin gdug pa dag gis bskor/ /rang gi gzhal yas khang na/ /'dug cing gang du 'dod par 'gro/ /gzhal med khang ni bzang po dag /lha rnams de la rab tu dbul/ /bcud kyis len ni du ma
283b₅ dang / /dpag bsam shing gi 'bras bu yang / /lha yi dbang phyug mnyam ldan pa/ /dogs pa med par thob par 'gyur/ /bkres skom nad las nges par thar/ /rig pa 'dzin pa kun gyis mchod/ /zhags pa 'gul lam g.yo na ni/ /dngos grub 'di 'dra thob par
283b₆ 'gyur/ /'gul lam g.yos sam gzhan pa dag /gal te grub par ma gyur na/ /ma grub pa yi zhags pas kyang / /'jig rten pa yi las rnams bya/ /skyes pa'am yang na bud med dag /yid la 'dod pa bsams nas ni/ /mtshan mo zhags pa de brkyang
283b₇ ste/ /de ni de na phyogs su bzlas/ /bsgrub bya ming ni tshig dang bcas/ /de ni tshig gis mjug tu sbyar/ /zhags pa gang na 'dug pa der/ /nam mkha' las ni bya bzhin du/ /bdag gi drung du skad cig gis/ /the tsom med par 'ong bar 'gyur/ /

_{iiif viewer powered by OpenSeadragon}

283a - 284a

Texts on this page