| e-texts navigator |
| བོད་ཡིག |
270a1 rje gshed kyis rgyas par gsungs/ /de nas khro bo rnam rgyal gyi/ /rtog pa khro bo nyid kyis gsungs/ /snying rje byang chub sems ldan pa'i/ /lha rnams kyis thos dga' gyur nas/ /dkon mchog gsum ni bsrung ba'i phyir/ /so so yi ni rtog pa
270a2 bshad/ /de dag gis ni rtsa ba'i rgyud/ /khro bo nyid kyis rab gsungs pa/ /khro bo rnam rgyal zhes bya 'di/ /'jig rten 'das dang 'jig rten pas/ /sngon nas phyag byas khro bo yi/ /zhal nas ji bzhin thos nas kyang / /khro bo nyid kyis gsungs pa yi/ /rgyud 'di
270a3 byang chub sems rnams kyis/ /snying rje de bzhin rgyas pa dang / /rnam pa mang por byin gyis brlabs/ /'jam dpal gyi rtsa ba'i rtog pa khro bo rnam par rgyal ba las rgyud 'byung ba zhes bya ba'i skabs te dang po'o// //de nas khro bo rnam par rgyal/ /'jam dpal khro
270a4 bos bshad pa yi/ /brtag pa rmad du byung ba'i mchog /mdor ni rab tu bshad par bya/ /de la 'di yi dkyil 'khor ni/ /dngos grub thams cad sbyin mdzad pa'i/ /'jig rten gsum po 'khrugs par mdzad/ /mang po zhes bya'o/ /thams cad du ni
270a5 dkyil 'khor 'di/ /gnas ni gang du 'grub par 'gyur/ /sngags pas thog ma nyid du ni/ /de yi gnas ni brtag par bya/ /shing gcig pa'am dur khrod dang / /khyim stong dang ni bzhi mdo dang / /mchod rten dang ni mu gnyis dang / /thibs po stong pa lam srang
270a6 rnying / /skyed mos tshal dang ri yi rtse/ /chu yi 'gram dang nags tshal dang / /yang na mtsho yi 'gram dang ni/ /lha chen gyi ni gnas kyang rung / /ba lang lhas sa ma g.yul gyis/ /khyad par du ni yul gtsang bar/ /gang du yid ni dga' bar yang / /des ni
270a7 dkyil 'khor rab tu bya/ /de nas rig 'dzin nan tan gyis/ /sa ni yang dag sbyang bya ste/ /ba tshwa med cing ma gas pa/ /mnyam zhing zug rngu med pa la/ /shar dang byang ni mtho ba dang / /kha dog snum pa lhag par bzang / /ba las byung ba rnam lnga dang / /ldan pa yi
iiif viewer powered by OpenSeadragon
Texts on this page
D604 - khro bo rnam par rgyal ba'i rtog pa gsang ba'i rgyud