rKTs

e-texts navigator

Volume

Page

232b₁ rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to/ /bcom ldan 'das gzungs 'di'i cho ga zhib mo dang / bgyi ba'i cho ga'i tshul rgyas par bshad du gsol/ de nas bcom ldan 'das kyis rgyal
232b₂ po chen po bzhi po dag la 'di skad ces bka' stsal to/ /nyon cig dang gzungs 'di'i bya ba'i cho ga'i tshul bshad par bya'o/ /sems can tshe thung ba'i don gyi phyir rigs kyi bu'am/ rigs kyi bu mos tshes lnga'i zla ba la khrus byas te/ gos gtsang ma gyon nas smyung
232b₃ ba byas te/ lan stong bzlas brjod byas na de sems can tshe zad pa de yang phyir nur ro/ /nad dang bral bar 'gyur ro/ /sgrib pa thams cad rnam par dag pa thob par 'gyur ro/ /sems can dmyal ba la sogs pa ngan 'gro thams cad las yongs su thar bar 'gyur ro/ /
232b₄ tha na dud 'gro'i skye gnas su song ba'i srog chags bya'i rna lam du yang gzungs 'di'i sgra bsgrags par bya ste/ des ni de'i ngan 'gro 'di nyid tha ma yin par rig par bya'o/ /gang zhig nad chen pos btab ste sman pa rnams kyis bye brag phye ste bor ba yang de ltar na nad de las
232b₅ yongs su thar bar 'gyur ro/ /de ni ngan 'gror skye ba thams cad rgyun chad par 'gyur ro/ /shi 'phos nas kyang bde ba can gyi 'jig rten gyi khams su skye bar 'gyur ro/ /de nyid de'i mngal gyi gnas tha ma yin par shes par bya'o/ /de gang dang gang du skye ba de dang der pad+ma'i
232b₆ snying po kho na las brdzus te skye bar 'gyur ro/ /tshe rabs thams cad du yang tshe rabs dran par 'gyur ro/ /sems can sdig pa byed pa gang dag 'chi ba'i dus byas pa/ de dag gi don du gzungs 'di yungs kar la lan nyi shu rtsa gcig yongs su brjod de/ de dag gi rus gong
232b₇ rnams kyi steng du gtor na de dag sems can dmyal ba'am/ dud 'gro'i skye gnas sam/ gshin rje'i 'jig rten nam/ sam/ de las gzhan pa'i ngan 'gro rnams su skyes par gyur kyang rung ste/ de dag gzungs 'di'i mthus ngan 'gro de dag las thar

_{iiif viewer powered by OpenSeadragon}

232a - 233a

Texts on this page