| e-texts navigator |
| བོད་ཡིག |
116a1 phyir rgol ba bcom pa dang / dgra choms par 'gyur ro/ /rmas pa med par 'gyur ro/ /'jigs pa thams cad las thar bar 'gyur ro/ /bde bar yun ring du 'tsho bar 'gyur te/ kun dga' bo sngon gyi las kyi rnam par smin pa ni ma gtogs so/ /
116a2 kun dga' bo rig sngags kyi rgyal mo rma bya chen mo 'di ni ha cang char che ba'am/ char dkon pa'i tshe bklag par bya'o/ /des ni klu thams cad spro bar 'gyur te/ char chen po ni gcod par byed/ char dkon pa'i tshe ni rigs kyi bu 'am/ rigs kyi bu mo de'i bsam pa ci srid par
116a3 char 'bebs par 'gyur ro/ /kun dga' bo rig sngags kyi rgyal mo rma bya chen mo 'di dran pas kyang 'jigs pa dang dgra thams cad zhi bar 'gyur na sus dum bur ma gyur cing rdzogs par 'chang ba'am/ bde legs su 'gyur ba byas pa lta smos kyang ci dgos/ kun dga' bo khyod
116a4 kyis rig sngags kyi rgyal mo rma bya chen mo 'di zung shig / 'khor bzhi po dge slong dang / dge slong ma dang / dge bsnyen dang / dge bsnyen ma rnams bsrung ba dang / bskyab pa dang / sba ba'i phyir rig sngags kyi rgyal mo rma bya chen mo dgra thams cad rab tu zhi bar byed pa 'di kun
116a5 chub par gyis shig / chongs shig /lhogs shig /tad+ya thA/ yA ba ti/ d+hA ba ti/ d+ha ra ki la/ hu lu/ hu lu me swA hA/ 'dod chags zhe sdang gti mug rnams/ /de dag 'jig rten dug gsum ste/ /sangs rgyas bcom ldan dug med pa/ /sangs rgyas
116a6 bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan chos ni dug med pa/ /chos kyi bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /
116a7 bcom ldan dge 'dun dug med pa/ /dge 'dun bden pas dug bcom mo/ /sangs rgyas kun gyi stobs gang dang / /dgra bcom rnams kyi grags gang dang / /de bzhin gshegs pa'i gzi brjid kyis/ /ngas ni bde legs 'gyur bar byas/ /kun dga' bo rig
iiif viewer powered by OpenSeadragon
Texts on this page
D559 - rig sngags kyi rgyal mo rma bya chen mo