rKTs

e-texts navigator

Volume

Page

5a₁ thams cad la sngags mdud bcings na zhi bar byed do/ /rtag tu bzlas na tshe zad pa yang tshe lo brgya thub par 'gyur ro/ /mar dang til gyi sbyin sreg gis thams cad zhi bar byed do/ /mngon par bsngags pa'i sman gyi btungs pas nad thams cad las yongs su thar bar
5a₂ byed do/ /lan brgya bkrus pa'i mar la mngon par bsngags pas na ba'i yan lag la bskus na rang bzhin du gnas par 'gyur ro/ /mgo'i nad la til mar la bsngags te bskus pas rang bzhin du gnas par 'gyur ro/ /gdug pa'i rma la chu la bsngags nas gtor
5a₃ bas sos par 'gyur ro/ /spri ha'i nad la be dang la sogs pa'i mtshon gyis gtubs na spri ha bcad par 'gyur ro/ /ni rgun d+hi dang nim pa'i rtsa ba rma bya'i mjug sgro dang bcas pa gcig tu sbyar la/ brgya rtsa brgyad mngon par bsngags pa'i bdug pas bdugs na/ rims nyin
5a₄ gcig pa dang / nyin gnyis pa dang / nyin gsum pa dang / nyin bzhi pa la sogs pa sel bar byed cing / 'byung po dang / sha za dang / tshangs pa dang / srin po la sogs pa sel bar 'gyur ro/ /bud med bu shi bas lan brgya rtsa brgyad mngon par bsngags pa'i bum pas
5a₅ khrus byas na bu gson po dang ldan par 'gyur ro/ /gro ga la bris pa'i sngags rked pa'am dpung pa la btags pas mngal srung bar 'gyur ro/ /sngags rjes su dran pas g.yul ngogs su 'jug na rgyal ba rnyed par 'gyur zhing byabs pas nad thams cad sel bar byed do/ /oM pA
5a₆ da tsA la ne swA hA/ sngags kyi rgyal po 'di sngon du bsnyen pa'i cho gas legs par bsgrubs na las thams cad byed do/ /phol mig gi 'jigs pa la mngon par bsngags pa'i chu 'thungs na phol mig med par 'gyur ro/ /gro ga'am shog gu la bris te sgo la btags pas phol
5a₇ mig med par 'gyur ro/ /'di ni 'tshe ba thams cad la mar la btags pa'i til gyi sbyin sreg gis srung ba chen po yin no/ /khwa'i sgro lag pas bzung ste bzlas pa khri byas la gang gi khang pa'i steng gi logs su sbas pas de 'byer bar byed do/ /oM pi shA tsi par+N+Na sha wa ri sarbo

_{iiif viewer powered by OpenSeadragon}

4b - 5b

Texts on this page