rKTs

e-texts navigator

Volume

Page

3a₁ sngags oM gnyis kyi kha sbyor du bcug la yi ge Tha zung gis yongs su bskor ba/ phyi rol du yi ge la~M brgyad kyis bskor ba dbang chen gyi dkyil 'khor gyis non pa sna tshogs rdo rjes nye bar mdzes par byas pa/ grog mkhar gyi 'jim pa las byas pa'i tshogs kyi
3a₂ bdag po'i khong par bcug la/ dur khrod kyi bum pa'i nang du bcug nas dur khrod du sbas pa'am/ phub ma'i sbyin sreg gis pha rol gyi dpung gi tshogs rengs par byed do/ /grong khyer tshig pa'i me la mngon du phyogs shing sngags 'dis mngon par bsngags pa'i chu snyim pa bdun rab tu
3a₃ gtor na khyim gang bsrung bar 'dod pa'i khyim de srung bar byed do/ /thal bas mgul pa bcings pas skyugs pa zlog par byed do/ /mthe'u chung gi rtse dam du btsir la sngags brjod pas skyigs bu med par byed do/ /thal ba la mngon par bsngags pas mig rengs pa sos par
3a₄ byed do/ /'brum bu la sogs pa rnam par 'tshe ba la ras kyi dum bu la bris te/ khyim gang gi sgor btags pa'i khyim der 'brum bu la sogs pa rnam par 'tshe ba zlog par byed do/ /nya dang sha dang chang dang 'bras chan la sogs pa sbyin par 'gyur ba las grong gi phyi rol gyi char gtor
3a₅ ma chen po gtang bar bya ba dang yam shing lnga dang 'bru lnga'i bye brag mar la btags pas grong gi dbus su zhi ba'i thab khung byas la sbyin sreg byas na bdud dang rnam par 'tshe ba thams cad rengs par byed do/ /gang 'ga' zhig la grong la sogs pa 'byin par 'gyur ba la bzlas pa
3a₆ tsam gyis zlog par byed do/ /rtag tu bzlas na lha dang lha ma yin dang lto 'phye chen po rnams kyis mi mthong bar 'gyur ro/ /dpal rje btsun sangs rgyas bcom ldan 'das mngon par byang chub pa'i dus su/ bdud bzhi las rgyal bar bya ba'i don du sngags kyi rgyal po 'di mdzod spu las
3a₇ rnam par phyung ba'i phyir mdzod spu'i nor bu zhes bya bar grags pa yin no/ /gseg ma la mngon par bsngags te gtor bas sbrul dag 'byer bar byed do/ /khyim gyi rtsig ngos la rdo rgyus la mngon par bsngags pas bris na sbrul gyis zil gyis non par mi 'gyur ro/ /yang na rdo leb la

_{iiif viewer powered by OpenSeadragon}

2b - 3b

Texts on this page