rKTs

e-texts navigator

Volume

Page

30a₁ gnyis pa ni de bzhin gshegs pa rnams sems can ngo bo nyid med pa dang chos ngo bo nyid med par legs par thugs su chud pa'i phyir yongs su mya ngan las 'das pa zhes bya'o/ /gsum pa ni lus kyi gnas dang chos kyi gnas yongs su gyur pa'i phyir yongs su
30a₂ mya ngan las 'das pa zhes bya'o/ /bzhi pa ni sems can rnams la don mdzad pa'i rgyu dang rkyen rang gi ngang gis nye bar zhi bar gyur pa'i phyir yongs su mya ngan las 'das pa zhes bya'o/ /lnga pa ni de kho na nyid kyi mtshan nyid tha dad pa med pa mnyam pa nyid kyis chos kyi sku mngon sum du brnyes
30a₃ pa'i phyir yongs su mya ngan las 'das pa zhes bya'o/ /drug pa ni 'khor ba dang mya ngan las 'das pa la ngo bo nyid gnyis su med par thugs su chud pa'i phyir yongs su mya ngan las 'das pa zhes bya'o/ /bdun pa ni chos thams cad kyi rtsa ba thugs su chud nas/
30a₄ rnam par dag pa mngon sum du gyur pa'i phyir/ yongs su mya ngan las 'das pa zhes bya'o/ /brgyad pa ni chos thams cad la skye ba med cing 'gag pa med par rnal 'byor legs par bsgoms pa'i phyir/ yongs su mya ngan las 'das pa zhes bya'o/ /dgu pa ni de bzhin nyid dang
30a₅ chos kyi dbyings dang / yang dag pa'i mtha' mnyam pa nyid kyis yang dag pa'i ye shes brnyes pa'i phyir/ yongs su mya ngan las 'das pa zhes bya'o/ /bcu pa ni chos rnams kyi ngo bo nyid dang mya ngan las 'das pa'i ngo bo nyid la bye brag med pa brnyes pa'i phyir/ yongs su
30a₆ mya ngan las 'das pa zhes bya ste/ rigs kyi bu 'di dag ni yongs su mya ngan las 'das pa yod par bstan pa'i chos rnam pa bcu zhes bya'o/ /gzhan yang rigs kyi bu byang chub sems dpa' sems dpa' chen po rnams kyis 'di ltar chos rnam pa bcus de bzhin
30a₇ gshegs pa dgra bcom pa yang dag par rdzogs pa'i sangs rgyas kyis de kho na nyid kyi don gyi tshul gyis mthar phyin pa'i yongs su mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni nyon mongs pa thams

_{iiif viewer powered by OpenSeadragon}

29b - 30b

Texts on this page