rKTs

e-texts navigator

Volume

Page

28a₁ nas gzhon nu des bram ze de la 'di skad ces smras so/ /gal te sum cu rtsa gsum gyi lhar skyes nas rnam par smin pa mchog la longs spyod par 'dod na sems rtse gcig tu gser 'od dam pa mchog tu rnam par rgyal ba mdo sde'i rgyal po mnyan par bya ste/
28a₂ mdo sde 'di ni mdo sde thams cad kyi nang na mchog tu khyad par du 'phags pa yin pas shes par dka' zhing 'jug par dka' bas nyan thos dang rang sangs rgyas kyis kyang khong du chud par mi nus so/ /mdo sde 'di ni bsod nams kyi 'bras bu rnam par smin pa tshad med pa bskyed
28a₃ pa nas bla na med pa'i byang chub kyi bar du yang mngon par 'grub par byed de/ deng bdag gis khyod la don gyi dngos po mdo tsam zhig bstan pa yin no/ /bram zes smras pa/ gzhon nu legs so/ /gser 'od dam pa mdo sde'i rgyal po 'di ni shin tu zab cing mchog tu gyur pas shes
28a₄ par yang dka' la 'jug par yang dka' bas nyan thos dang rang sangs rgyas kyis kyang khong du chud par mi 'gyur na bdag cag mtha' 'khob kyi mi dmangs rigs shes pa shin tu phra zhing chung bas rig par mi 'gyur ba lta ci smos te/ de'i phyir deng bdag gis bcom ldan 'das
28a₅ kyi ring bsrel yungs 'bru tsam yongs su gnyer ba yin te/ rang gi gnas su khyer nas rin po che'i za ma tog gi nang du bcug ste gus pas mchod pa dang rim gro byas na tshe 'das pa'i 'og tu brgya byin lha'i dbang po byas nas rtag par bde ba myong bar 'gyur na khyod kyis deng ci'i
28a₆ phyir bdag gi ched du rig pa dang zhabs su ldan pa la smon lam 'di ci gsol ba 'debs par mi byed/ de skad ces smras pa dang / de'i tshe gzhon nu des bram ze de la tshigs su bcad de 'di skad ces smras so/ /gang gA'i 'ba' chu drag po las/ /pad+ma dkar po skye 'gyur zhing / /
28a₇ 'jol mo dung ltar gyur pa dang / /bya rog dmar por 'gyur ba'am/ /gal te 'dzam bu'i ljon shing las/ /ta la'i 'bras bu chags pa dang / /khardzu ra yi yal ga las/ /a mra'i lo ma skye 'gyur ba/ /ya mtshan dngos po 'di dag ni/ /phan tshun rung par 'gyur srid

_{iiif viewer powered by OpenSeadragon}

27b - 28b

Texts on this page