rKTs

e-texts navigator

Volume

Page

27b₁ 'das kyis yongs su mya ngan las 'da' bar gshegs pa bkas bshad pa thos pa dang mchi ma blags te ngus nas mdun du 'phags te bcom ldan 'das kyi zhabs la phyag byas nas bcom ldan 'das la 'di skad ces gsol to/ /gal te de bzhin gshegs pa yang dag par
27b₂ sems can rnams la byams pa dang / thugs rje chen po mnga' ba ste/ thugs brtse bas phan 'dogs shing bde ba 'thob par mdzad de/ pha ma lta bur gyur pas gzhan de dang mtshungs pa ma mchis pa dang / 'jig rten thams cad kyi mgon dang skyabs mdzad pas zla ba yongs
27b₃ su rgyas pa ltar gsal zhing rnam par dag par gyur pa dang / mkhyen pa chen pos gsal bar mdzad pas gdugs dang po shar ba lta bur gyur pa dang / sems can rnams la snyoms par gzigs par mdzad de sgra gcan zin la ci lta ba bzhin du thugs brtse ba la mi
27b₄ snyoms pa mi mnga' ba zhig lags na bcom ldan 'das kyis bdag la smon lam gcig gnang bar mdzad du gsol/ de nas de'i tshe bcom ldan 'das cang mi gsung bar gyur pa dang / bcom ldan 'das kyis byin gyis brlabs kyi mthus 'khor de nyid du
27b₅ lits+tsha bI gzhon nu sems can thams cad kyis mthong bar dga' ba zhes bya ba zhig 'dug par gyur pa des bram ze kauN+Di n+ya la 'di skad ces smras so/ /kye bram ze chen po khyod deng bcom ldan 'das las smon lam ji lta bu zhig yongs su gnyer bar 'dod pa bdag gis
27b₆ khyod la sbyin par bya'o/ /bram zes smras pa/ kye gzhon nu bdag ni bla na med pa'i bcom ldan 'das la mchod pa byed 'dod pas/ deng de bzhin gshegs pa las ring bsrel yungs 'bru tsam zhig gsol ba 'debs pa yin no/ /de ci'i phyir zhe na/ bdag gis sngon rigs kyi bu'am
27b₇ rigs kyi bu mo gang la la zhig sangs rgyas kyi ring bsrel du yungs 'bru tsam zhig thob nas gus pas rim gro dang mchod pa byas na gang zag de sum cu rtsa gsum pa'i lha'i nang du skyes nas lha'i dbang po brgya byin byed par 'gyur ro zhes thos pas so/ /de

_{iiif viewer powered by OpenSeadragon}

27a - 28a

Texts on this page