| e-texts navigator |
| བོད་ཡིག |
26b1 par byed la/ yang dag pa'i chos bstan pa thos par gyur na yang dag pa'i bka' yin no snyam pa'i 'du shes bskyed nas/ mdo sde ji snyed pa thams cad kyang yang dag par 'dzin cing skur pa 'debs par mi byed do/ /rigs kyi bu rgyu dang rkyen des na bcom ldan 'das de yun ring
26b2 du 'jig rten na mi bzhugs par yongs su mya ngan las 'da' ba yin te/ rigs kyi bu de bzhin gshegs pa rnams ni de lta bu'i thabs mkhas pa mkhyen nas sems can yongs su smin par mdzad pa yin no/ /de'i tshe de bzhin gshegs pa bzhi po de dag gis de skad ces
26b3 bka' stsal nas de nyid du mi snang bar gyur to/ /de nas byang chub sems dpa' sems dpa' chen po mdzes pa'i tog byang chub sems dpa' brgya stong tshad med pa snyed dang / sems can bye ba khrag khrig brgyad stong tshad med pa dag dang lhan cig tu bya rgod phung po'i ri ga la
26b4 ba der dong ste/ de bzhin gshegs pa shAkya thub pa thams cad mkhyen pa'i spyan sngar lhags nas bcom ldan 'das kyi zhabs la mgo bos phyag byas te phyogs gcig tu 'khod do/ /de nas byang chub sems dpa' mdzes pa'i tog gis dngos po gong du bstan pa de dag
26b5 bcom ldan 'das la rgyas par gsol pa dang / de'i tshe de bzhin gshegs pa bzhi po de dag kyang bya rgod phung po'i ri bcom ldan 'das shAkya thub pa gang na ba der gshegs te/ so so'i phyogs ji lta ba bzhin du gdan la bzhugs nas zhabs 'bring ba'i byang chub sems dpa'
26b6 dag la 'di skad ces bka' stsal to/ /rigs kyi bu khyed bcom ldan 'das shAkya thub pa ga la ba der dong la nged kyi tshig gis cung zad mi bsnyung ngam/ cung zad mi gdung ngam/ bzhengs shing bzhugs pa yang ngam/ spyod lam thams cad du bde bar spyod dam zhes snyun
26b7 gsol cig / gzhan yang 'di skad du de bzhin gshegs pa shAkya thub pas sems can thams cad la phan gdags shing mu ge'i bgegs yongs su bsal nas bde ba la 'god par bzhed pa'i phyir deng gser 'od dam pa'i mdo sde shin tu zab mo'i chos kyi don bstan pa
iiif viewer powered by OpenSeadragon
Texts on this page
D555 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo