rKTs

e-texts navigator

Volume

Page

25b₁ par mdzad lags/ de nas bcom ldan 'das bzhi po de dag gis byang chub sems dpa' mdzes pa'i tog la bka' stsal pa/ rigs kyi bu bcom ldan 'das shAkya thub pa de snyigs ma lnga'i dus su 'jig rten du byung ba na mi rnams tshe lo brgya par gyur cing rang bzhin dman pa dang / dge
25b₂ ba'i rtsa ba phra zhing chung ba dang / mos pa med par gyur pas sems can de dag las phal cher bdag tu lta ba dang / gang zag tu lta ba dang / sems can dang srog dang / gso ba po dang / log par lta ba dang / bdag dang / bdag gir lta ba dang / rtag pa dang / chad par lta ba
25b₃ la sogs pa dang ldan pas sems can mang po de dag dang / mu stegs can mang po de dag la phan gdags shing yang dag pa'i shes pa bskyed nas myur du bla na med pa'i byang chub yongs su rdzogs par bya ba'i phyir de lta bas na de bzhin gshegs pa shAkya thub pas de lta bu'i sku tshe
25b₄ thung ba bstan pa yin no/ /rigs kyi bu gzhan yang de bzhin gshegs pa des sems can rnams kyi yongs su mya ngan las 'da' ba mthong bar gyur na shin tu mthong bar dka' ba'i 'du shes dang / mya ngan dang / sdug bsngal ba la sogs pa'i 'du shes bskyed nas sangs rgyas
25b₅ bcom ldan 'das kyis gsungs pa'i mdo sde'i bstan pa dag myur du len pa dang / 'dzin pa dang / 'chang ba dang / klog pa dang / kha ton du 'don pa dang / kun chub par byas nas gzhan dag la yang dag par bstan pa dang / skur pa 'debs par mi 'gyur bar
25b₆ mdzad par bzhed pa'i phyir de lta bas na de bzhin gshegs pas de lta bu'i sku tshe thung ba bstan pa yin no/ /de ci'i phyir zhe na/ sems can de dag gis gal te de bzhin gshegs pa yongs su mya ngan las mi 'da' ba mthong bar gyur na gus pas rim gro yang mi byed/ shin
25b₇ tu phrad par dka' ba'i 'du shes kyang mi skyed la de bzhin gshegs pas gsungs pa'i mdo sde zab mo dag kyang len pa dang / 'dzin pa dang / klog pa dang / kha ton du 'don pa dang / kun chub par byas nas gzhan dag la ston par yang mi byed pas so/ /de ci'i phyir

_{iiif viewer powered by OpenSeadragon}

25a - 26a

Texts on this page